Կշարունակի՞ Լեյենը պաշտոնավարել. այսօր կվճռեն
![Կշարունակի՞ Լեյենը պաշտոնավարել. այսօր կվճռեն](https://hraparak.am/uploads/images/2024/06/image_750x_666fe037b6f70.jpg)
ԵՄ առաջնորդներն այսօր երեկոյան Բրյուսելում նախատեսված մասնավոր ընթրիքի ժամանակ ծրագրում են հաստատել Ուրսուլա ֆոն դեր Լեյենի թեկնածությունը երկրորդ հնգամյա ժամկետով Եվրահանձնաժողովի ղեկավարի պաշտոնում:
Այս մասին հայտնում է Financial Times-ը՝ հղում անելով աղբյուրներին։
Նրանց խոսքով, անդամ երկրների ղեկավարները կքննարկեն նաև դաշինքի այլ առանցքային պաշտոններ։
«Ոչ ոք չի քննարկում որևէ այլ արդյունք»,- հրապարակմանը ասել է ԵՄ բարձրաստիճան դիվանագետը՝ նկատի ունենալով Եվրահանձնաժողովի ղեկավարի պաշտոնում Ուրսուլա ֆոն դեր Լեյենի թեկնածությունը։
Նշվում է նաև, որ այսօրվա ընթրիքի ժամանակ կքննարկվի, թե ում ընտրել որպես ԵՄ խորհրդի նախագահ, ինչպես նաև բարձր ներկայացուցչին՝ դաշինքի գլխավոր դիվանագետին։ Պորտուգալիայի նախկին վարչապետ Անտոնիո Կոստան Շառլ Միշելին փոխարինելու համար գլխավոր ֆավորիտ է համարվում, ասում են պաշտոնյաները: Էստոնիայի վարչապետ Կայա Կալլասը երկրորդ տեղի համար ամենահավանական թեկնածուն է:
Սակայն հրատարակության աղբյուրները զգուշացրել են, որ հանդիպման նախօրեին տարբերակներից ոչ մեկն այնքան հստակ չէր, որքան Եվրահանձնաժողովը գլխավորելու Ուրսուլա ֆոն դեր Լեյենի ընտրությունը։
Կարծիքներ