ԵՄ ՆԳՆ ղեկավարները հաստատել են ներգաղթյալներին քվոտաների համակարգով տեղաբաշխելու ծրագիրը
Եվրամիության ներքին գործերի նախարարները Բրյուսելում կայացած քվեարկության արդյունքում ձայների մեծամասնությամբ հաստատել են Եվրոպա ներթափանցող ներգաղթյալներին քվոտաների համակարգով տեղաբաշխելու ծրագիրը: Այդ մասին հաղորդում է BBC-ն:
Ծրագրով նախատեսվում է 120 000 ներգաղթյալի վերաբնակեցնել ԵՄ բոլոր երկրներում` յուրաքանչյուր պետության քվոտաների համապատասխան:
Ծրագրին դեմ են քվեարկել Կենտրոնական Եվրոպայի երկրները` Չեխիան, Սլովակիան, Ռումինիան և Հունգարիան, իսկ Ֆինլանդիան ձեռնպահ է մնացել:
Կարծիքներ