Կարեն Անդրեասյանին ինչ որ բա՞ն է պատահել...

ԱՄՆ դեսպանությունը «ցավակցական հեռագիր է» հղել: Կարդալով այդ հեռագիրը, մտածեցի՝ Կարեն Անդրեասյանին, տնից տեղից հեռու, ինչ որ բա՞ն է պատահել...

Լսենք նրան.

«Նա անխոնջ ու արդյունավետ առաջամարտիկ էր....

Պ-ն Անդրեասյանի թողած ժառանգություններից մեկը, որը դեռ երկար կպահպանվի...»:

Լավ, ի՞նչ է եղել Պ-ն Անդրեասյանին.

«Կարեն Անդրեասյանը կմնա որպես ԱՄՆ դեսպանության ու ԱՄՆ կառավարության բարեկամ և գործընկեր»: Եվ այդ բոլորն այն պատճառով, որ...

«Նա անխոնջ ու արդյունավետ առաջամարտիկ էր պաշտպանությունից զուրկ մարդկանց համար. այն մարդկանց համար, ովքեր վախենում էին, որ իրենց ձայները կլռեցվեն, եթե իրենք հնչեցնեն անհաճո ուղերձներ, և ցանկացած ՀՀ քաղաքացու համար, ով պայքարում էր, որպեսզի իր իրավունքները հարգվեն»:

Մնում է դեսպանության հետ համաձայնել, որ ՀՀ քաղաքացին՝ հանձինս Կարեն Անդրեասյանի, եղել է լիակատար պաշտպանված:

Ախր պաշտպանին կորցնելու ափսոսանքից ու այդքան ցավագին խոսքերից հետո քրիստոնեավայել չէ չհամաձայնելը:

Հայերս գիտենք հարգել ցավը:

ՀԳ Հիշեցնենք, որ ՀՀ մարդու իրավունքների պաշտպանը հրաժարական էր տվել:

Հասմիկ Բաբաջանյան