Արցախի եւ Հայաստանի Նախագահներն անցկացրել են խորհրդակցություն

ԼՂՀ նախագահի պաշտոնական կայքի տեղեկացմամբ՝ Արցախի Հանրապետության Նախագահ Բակո Սահակյանը Հայաստանի Հանրապետության Նախագահ Սերժ Սարգսյանի հետ անցկացրել է խորհրդակցություն ԼՂՀ օրենսդիր, գործադիր եւ դատական իշխանության մարմինների ներկայացուցիչների հետ։
Քննարկվել են վերջին օրերին Ադրբեջանի ագրեսիայի հետեւանքով մեր հանրապետությունում ստեղծված իրավիճակին վերաբերող հարցեր։ Նախագահ Սահակյանը բարձր է գնահատել այս ծանր օրերին Մայր Հայաստանի եւ Սփյուռքի աջակցությունն Արցախին եւ համայն հայության համախմբումն ու միասնականությունը՝ այն համարելով մեր բոլոր հաղթանակների հիմնական գրավականներից մեկը։