Երեւանյան հանդիպումների հիմնական թեման ԼՂ հակամարտությունն է. Մարիա Զախարովա
«Թեեւ ՌԴ ԱԳ նախարարի այցը Երեւան վաղուց էր նախատեսված, սակայն, հասկանալիորեն, այսօրվա երկօրյա պաշտոնական այցի օրակարգի հիմնական թեման լինելու է ԼՂ հակամարտության խաղաղ կարգավորումը»,- հայտարարել է ՌԴ ԱԳ նախարարության մամլո խոսնակ Մարիա Զախարովան:
«Միաժամանակ պետք է նշեմ, որ երկրի ղեկավարի, ԱԳ նախարարի եւ պաշտպանության նախարարի մակարդակով ՌԴ-ն ակտիվորեն մասնակցում է հակամարտության խաղաղ կարգավորման գործընթացին եւ հրադադարի ռեժիմի պահպանմանը»,- ընդգծել է ՌԴ ԱԳՆ խոսնակը:
Հիշեցնենք, որ այսօր Երեւան է ժամանում ՌԴ ԱԳ նախարար Սերգեյ Լավրովը երկօրյա պաշտոնական այցով: Հիմնական հանդիպումները նախատեսված են վաղը: Ինչպես արդեն տեղեկացրել էինք, Սերգեյ Լավրովը կհանդիպի ՀՀ նախագահի եւ ԱԳ նախարարի հետ:
Կարծիքներ