Աշոտյանը նոր երգ է գրում՝ պատրաստվելով ՀՀԿ համագումարին

Նոյեմբերի 26-ին կայանալիք ՀՀԿ համագումարին, ինչպես հայտնի է, կտրուկ փոփոխություններ են տեղի ունենալու, այդ թվում՝ վերանայվելու է կուսակցության գերագույն մարմնի կազմը։ ՀՀԿ փոխնախագահ Արմեն Աշոտյանը չհերքեց մեր այս տեղեկությունը։ Նա հայտնեց, որ նիստը տեղի է ունենալու մարզահամերգային համալիրում։ Պատասխանելով հարցին, թե արդյոք ինքը լինելու է նոր ԳՄ կազմում, նա ասաց․«Դա կորոշի համագումարը։ Համագումարից առաջ ո՞վ կարող է ասել՝ ինչ է լինելու»։

- Արգամիչը գալի՞ս է, թե՞ խռով է։

- Հովիկ Արգամիչը պարբերաբար լինում է գրասենյակում։

- Իսկ Գագիկ Բեգլարյա՞նը։

- Նույնը Բեգլարյան Գագիկը։

Արմեն Աշոտյանը խուսափում է քաղաքական հարցերից։ Տեղեկացրեց, որ առաջիկայում պատրաստվում է «քաղաքական» ասուլիս տալ և բավարարել բոլոր հետաքրքրությունները։ Ավելի հեշտ խոսում է իրեն հարազատ դարձած «շոուբիզից» և երգարվեստից։

- Անչոկի համար երգ էիք գրել, Ձեր հաջորդ երգը ե՞րբ ենք լսելու։

-Հիմա գրում եմ։

-Ձեր մուսան եկե՞լ է։

- Հրաշալի բան է ստացվում։

Սյուզան ՍԻՄՈՆՅԱՆ