Ռուսաստանի և ԱՄՆ-ի համագործակցությանը խանգարելու փորձերը անհեռատեսություն են. Սերգեյ Լավրով
ՌԴ արտգործնախարար սերգեյ լավրովը ԱՄՆ պետքարտուղարի հետ բանակցությունների արդյունքներով մամուլի ասուլիսի ժամանակ հայտարարել է, որ բոլոր փորձերը՝ խանգարելու ռուս-ամերիկյան հարաբերությունների կարգավորմանը, անհեռատեսություն են, տեղեկացնում է РИА Новости-ն:
«Մենք տեսնում ենք, մեր համագործակցությանը խանգարելու փորձեր, տեսնում ենք փորձեր սրելու հակամարտությունը: մենք դա անհեռատես մոտեցում ենք համարում»,- ասել է Լավրովը:
Լավրովը նաև ընդգծել է, որ դեռ պատմությունից է հայտնի՝ երբ Մոսկվան և Վաշինգտոնը համագործակցում են, դրանից օգտվում են ոչ միայն մեր ժողովուրդները, այլև ողջ աշխարհը:
Ավելի վաղ հայտնի էր դարձել, որ ՌԴ նախագահ Վլադիմիր Պուտինը և երկու արտաքին քաղաքական գերատեսչությունների ղեկավարներ Լավրովը և Թիլլերսոնը քննարկել են Սիրիայում ԱՄՆ հրթիռային հարվածները:
Առաջարկում ենք դիտել Ռեքս Թիլլերսոնի մոսկովյան այցի և ռուս-ամերիկյան հարաբերությունների շուրջ Gazeta.ru-ի կազմակերպած քննարկումը:
Կարծիքներ