Փհենյանում, ռազմական շքերթի ժամանակ հրթիռներ են ցուցադրվել
Փհենյանում, Կիմ Իր Սենի ծննդյան հարյուր հինգերորդ տարեդարձին նվիրված ռազմական շքերթի ժամանակ ներկայիս դիկտատոր Կիմ Չեն Ընի կարգադրությամբ ցուցադրվել են հյուսիս-կորեական արտադրության հրթիռների մի քանի տեսակներ: Այս մասին հայտնում է ՌԻԱ Նովոստի լրատվական գործակալությունը: Նշվում է, որ Կիմ Չեն Ընն անձամբ է ընդունել շքերթը, որին մասնակցել են բոլոր տեսակի զորքերի ստորաբաժանումները եւ նույնիսկ բանվորագյուղացիական աշխարհազորի ջոկատայինները: Շքերթին հրավիրված են եղել լուսաբանելու երկու հարյուր արտասահմանյան լրագրողներ, եւ նման ցուցադրական զորահանդեսը, ըստ վերլուծաբանների, Փհենյանի կողմից դեմարշ է եւ ուժի ու ունեցած հնարավորությունների ներկայացում ներկայիս գերլարված հարաբերությունների պայմաններում, որոնք առկա են Միացյալ Նահանգների հետ:
Կարծիքներ