ԱԹՍ-ների գրոհից հետո Ռոստովի մարզում խոշոր հրդեհ է
![ԱԹՍ-ների գրոհից հետո Ռոստովի մարզում խոշոր հրդեհ է](https://hraparak.am/uploads/images/2024/06/image_750x_667120f54f1f1.jpg)
Ուկրաինական անօդաչու սարքերը վառելիքով լի տանկերներ են խոցել Ռուսաստանի Դաշնության Ռոստովի մարզի Ազով քաղաքում։ Այս մասին հայտարարել է Ռոստովի նահանգապետ Վասիլի Գոլուբեւը։
«Ազովում անօդաչու թռչող սարքերի հարձակման արդյունքում հրդեհ է բռնկվել նավթամթերքի տանկերներում: Ըստ նախնական տվյալների՝ զոհեր և վիրավորներ չկան։ Արտակարգ իրավիճակների նախարարության ստորաբաժանումը կազմակերպել է բաց կրակի մարում»,- տելեգրամյան իր ալիքում գրել է պաշտոնյան:
Ավելի վաղ ռուսական ՏԳ-ալիքները հայտնել էին, որ տեղի բնակիչները առնվազն հինգ պայթյուն են լսել Ազովի նավահանգստի տարածքում։
Նրանց խոսքով, Ազովում ուկրաինական անօդաչու թռչող սարքերի գրոհից հետո հզոր հրդեհ է բռնկվել մեթանոլի արտադրության գործարանում։
Կարծիքներ