Պուտինի դեմ մահափորձ են կատարել (տեսանյութ)
ՌԴ նախագահ Վլադիմիր Պուտինը Ռուսաստանի Դաշնության ղեկավարի նստավայրի՝ Կրեմլի վրա անօդաչու թռչող սարքի միջոցով հարձակման փորձի պահին Կրեմլում չի եղել։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։
Պուտինն այսօր աշխատում է մերձմոսկովյան Նովո-Օգարյովոյում գտնվող նստավայրում։ Պեսկովի խոսքով՝ միջադեպից հետո նախագահի ժամանակացույցը չի փոխվի։
Ավելի վաղ Կրեմլի մամուլի ծառայությունը հայտնել էր, որ Կիևը փորձել է հարվածներ հասցնել երկու անօդաչու թռչող սարքերի օգնությամբ։
Մարդիկ չեն տուժել, շենքերին նյութական վնաս չի պատճառվել։ Կրեմլը կատարվածը գնահատել է որպես «պլանավորված ահաբեկչություն» և նախագահի դեմ մահափորձ։
Մանրամասն՝ տեսանյութում
Կարծիքներ