Ամեն ինչ եթե ճիշտ արվի, հավանական է, որ շարժումը կհաջողի
Դժգոհությունը իսկապես շատ մեծ է։ Ժողովրդի զանգվածային ընդվզման նախադրյալները շատ մեծ են։ Ամեն ինչ կախված է այսօրվա նախաձեռնողներից, կազմակերպիչներից , քաղաքական ուղերձներից, նրանց քայլերից։ Ճիշտ ուղերձներ են պետք։ Ճիշտ ուղերձը միայն իշխանափոխության պահանջը չի, ճիշտ ուղերձ է այն, որ դու ինչի համար ես քննադատում, ինչու ես քննադատում Նիկոլ Փաշինյանին։ Այս մասին այսօր լրագրողների հետ զրույցում ասել է ՀԱԿ ներկայացուցիչ Լևոն Զուրաբյանը։
«Խոսքը պետք է լինի նորմալ, ռեալիստական քննադատությունների ու պահանջների մասին։ Մարդիկ պիտի զգան, որ իրենց առաջնորդում է մի ուժ, որը իրատեսական նպատակներ է դնում, չպիտի լինեն արկածախնդրական բաներ։ Եթե ամեն ինչ ճիշտ արվի, շատ մեծ հավանականություն կա, որ կարելի է հասնել արդյունքների»,- ասել է նա։
Կարծիքներ