Բոլոր մարզիկների երազանքը դա է, այս առումով շատ եմ ափսոսում, բայց ոչինչ չենք կարող անել

«Ափսոսում եմ, որ օլիմպիական քաշային կարգում չեմ: Բոլոր մարզիկների երազանքը Օլիմպիական խաղերին մասնակցելն է, այդ հաճույքը զգալն է: Այս առումով ափսոսանքս շատ մեծ է, բայց ոչինչ չենք կարող անել, այսպես է դասավորվել»:

Այս մասին «Զվարթնոց» օդանավակայանում չեմպիոնների դիմավորման արարողության ժամանակ լրագրողների հետ զրույցում ասել է աշխարհի չեմպիոն, Եվրոպայի կրկնակի չեմպիոն Հակոբ Մկրտչյանը։

«Եվրոպայի առաջնությունում հաճելի էր երկու հայի մրցակցությունը: Իհարկե հաճելի էր, որ երկու հայ մարզիկ կանգնում են պատվո հարթակին։ Շատ հաճելի զգացողություն էր։ Առաջիկա նպատակս դեկտեմբերին կայանալիք աշխարհի առաջնությունն է»,- ասել է Մկրտչյանը։