Այ ոչխար, տավարի ցավ, խի ես սուտ խոսում. զոհվածի ծնողը՝ հրամանատարին (տեսանյութ)
Երեւանի ընդհանուր իրավասության դատարանի Կենտրոն եւ Նորք Մարաշ նստավայրում տեղի է ունենում սպա, 44-օրյա պատերազմի ժամանակ Ջրականի (Ջեբրայիլի) զորամասի 5-րդ հրաձգային գումարտակի հրամանատար Իշխան Վահանյանի գործով դատական նիստը:
Նիստն ընթանում է գերլարված մթնոլորտում: Վահանյանի ցուցմունքի ժամանակ զոհված զինծառայողների ծնողները զայրացան. «Այ ոչխար, տավար, ինչի համար ես սուտ խոսում»: Կարգադրիչները դուրս հանեցին վիճաբանող ծնողներին:
Հիշեցնենք, որ Իշխան Վահանյանին մեղադրանք է առաջադրվել այն բանի համար, որ նա, հանդիսանալով N զորամասի գումարտակի հրամանատար, նույն ստորաբաժանման ժամկետային և կրտսեր սպայական կազմի ուղղակի պետը, 2020-ի հոկտեմբերի 10-ին՝ ժամը 12:00-ի սահմաններում, Արցախի Հադրութ քաղաքի մոտակայքում գտնվող «Խուռհատ» սարի վրա տեղի ունեցած մարտական գործողություններին ակտիվ մասնակցություն չունենալու և սեփական կյանքը չվտանգելու անձնական շահագրգռվածությունից ելնելով՝ մարտի ժամանակ ինքնակամ լքել է դիրքերը։
2020-հոկտեմբերի 9-ին Ջրականի (Ջաբրայիլի) զորամասի 5-րդ հրաձգային գումարտակի զինծառայողները (դատաքննության ընթացքում խոսվում է մինչև 400 զինծառայողների մասին, այդ թվում՝ զինվորների ու սպաների) տեղափոխել է Հադրութ քաղաքի մոտակայքում գտնվող «Խուռհատ» սարի մարտական դիրքեր։ Հաջորդ օրը սկսվել է հարձակումը։
Մանրամասն՝ տեսանյութում
Կարծիքներ