Բնակարանում հայտնաբերել են միլիարդատիրոջ դին․ ի՞նչ է հայտնի
Մոսկվայի կենտրոնում գտնվող բնակարանում մահացած են գտել միլիարդատեր, «Սերվիս 77» առաքման ծառայության հիմնադիր Իգոր Կուդրյակովին:
Տեղեկությունը հայտնում է «Իզվեստիան»՝ հղում անելով իր աղբյուրներին։
63-ամյա գործարարի մարմինը հայտնաբերել են Կուդրինսկայա հրապարակում գտնվող բնակարանում։
Թերթի զրուցակիցը մանրամասնել է, որ գործարարը վերջին շրջանում հիվանդ է եղել։
«Ենթադրվում է, որ մահը վրա է հասել ուռուցքաբանական հիվանդությունից», — ասել է պարբերականի աղբյուրը:
Փաստի առթիվ ստուգումներ են սկսվել։
Հավելենք, որ Կուդրյակովը ժամանակին եղել է Մոսկվայի մարզի պետական բնակարանային տեսչության գլխավոր վարչության պետի առաջին տեղակալը։
Կարծիքներ