Ուկրաինան զենք կարտադրի ռուսական փողերով․ ի՞նչ է ազդարարել Զելենսկին
Hraparak
30 Սեպտեմբեր 2023 | 23:00
0
Ուկրաինայում կստեղծվի պաշտպանական արդյունաբերության դաշինք, որի հիմնադրամը կհամալրվի բռնագրավված ռուսական ակտիվների վաճառքից։ Այս մասին հայտարարել է Ուկրաինայի նախագահ Վլադիմիր Զելենսկին՝ ելույթ ունենալով Պաշտպանական արդյունաբերության միջազգային ֆորումում։
«Ուկրաինայում կստեղծվի պաշտպանական արդյունաբերության դաշինք։ Ներդրումների համար գումարը գոյանալու է պետական պաշտպանական ակտիվներից ստացված շահաբաժիններից և առգրավված ռուսական ակտիվների վաճառքից ստացված շահույթից»,- ասել է Զելենսկին, որի խոսքերը մեջբերել է Ուկրաինայի նախագահի գրասենյակի Telegram ալիքը։
Նա նաև հավելել է, որ այլ երկրներ կարող են միանալ դաշինքի՝ զենք արտադրելու հռչակագրին։
Կարծիքներ