Թրամփին կասկածում են իշխանության զավթում նախապատրաստելու մեջ
ԱՄՆ գործող նախագահ Դոնալդ Թրամփին կասկածել են ընտրությունների արդյունքները չեղյալ հայտարարելու եւ իշխանության զավթում նախապատրաստելու մեջ։ Այս մասին հայտնում է Axios պարբերականը, իր անանուն բարձրաստիճան աղբյուրներին հղում տալով։ Թրամփի վարչակազմում նկատել են, որ Սպիտակ տան ներկայիս ղեկավարը չափազանց շատ ժամանակ է անցկացնում ազգային անվտանգության հարցերով իր նախկին օգնական Մայքլ Ֆլինի եւ փաստաբան Սիդնի Պաուելի հետ։
Պաշտոնյաները ունեն մտավախություն, որ Թրամփը կարող է չեղարկել ընտրությունների արդյունքները եւ զավթել իշխանությունը։ Բանն այն է, որ Ֆլինը կողմնակից է ռազմական դրություն հայտարարելուն եւ քվեների հաշվարկի ավտոմատ համակարգերը առգրավելուն։ Մտահոգության առարկա է նաեւ այն, որ Թրամփը ցանկանում է ընտրությունների կեղծման հետ կապված հարցերի հատուկ խորհրդական նշանակել Պաուելին։
Կարծիքներ