Մարալիկցիները կասկածո՞ւմ են մարզպետին. բնակիչները 15 օր է՝ դրսում են գիշերում
Շիրակի մարզի Անի խոշորացված համայնքի Մարալիկ քաղաքի բնակիչները հանգիստը կորցրել են: Բանն այն է, որ նրանց խոսքերով հեղափոխություն ասվածը շրջանցեց իրենց՝ համայնքում ոչինչ չի փոխվել, իսկ ՀՀԿ-ական համայնքապետ Արտակ Գևորգյանն այնպես է կառչել աթոռից ու խլացել, որ անգամ չի լսում իրենց բղավոցները՝ Արտակ, հեռացի՛ր:
Անի խոշորացված համայնքի համայնքապետի հրաժարականը պահանջող բնակիչները 15 օրից ավել է՝ նստացույց են անում, վրաններ են տեղադրել եւ գիշերում են դրսում: «15 օրից ավել է էստեղ կքնենք, մե անգամ Արտակ Գևորգյանը չբարեհաճեց գալ, մտնել մեր մեջ ու հլը փորձեր համաձայնության գալ, հասկընար գոնե, թե ինչ կուզենք»,-ասաց բնակիչներից մեկը: Թեև Շիրակի մարզպետ Կարեն Սարուխանյանը հանդիպել է բողոքավորներին, զրուցել նրանց հետ, նստացույցի մասնակիցներին հորդորել է զերծ մնալ անօրինական քայլերից, ճանապարհներ չփակել, չոտնահարել այլոց իրավունքները, այնուամենայնիվ, բնակիչներին դեռևս ոչ մի առաջարկ չի բավարարում: «Ինձ համար տարօրինակ է հենց մարզպետի պահվածքը: Ցանկացած պահի նա կարող էր ստուգումներ անցկացնել համայնքում, համոզվել, թե ինչ անօրինականություններ է արել Գևորգյան Արտակը, ուրիշ ժամանակ դատախազին գրություն է ուղարկում ամեն եղած-չեղած բանի համար, ասենք՝ էս հիվանդանոցում, դպրոցում էս տեսակ չարաշահում է եղել, բա էս մեծ համայնքը չի տեսնո՞ւմ: Ինձ մոտ այն տպավորությունն է, թե նախկին ռեժիմը վերարտադրվել է»,-վրդովված ասաց մեկ այլ բնակիչ:
Շիրակի մարզպետ Կարեն Սարուխանյանն էլ hraparak.am-ին պարզաբանեց.«ՏԻՄ մարմիններն ընտրովի են, անկախ, ես բնակիչներին ասել եմ, եթե անգամ դուք դժգոհում եք, ես լսում եմ, ընդունում, ի պաշտոնե ոչինչ չեմ կարողանալու անել»: Անդրադառնալով համայնքում իրականացվող ստուգումներին եւ հնարավոր խախտումները բացահայտելուն՝ նշեց. «Վարչական, իրավական մասով ստուգումներ անցկացրել ենք, որոշակի խախտումներ բացահայտվել են, ուղարկել ենք տարածքային զարգացման կառավարման նախարարություն, որպեսզի զբաղվեն: Մեր լծակներն այնքան մեծ չէ, որ ֆինանսական, գնումների մասով ստուգումներ անենք, իսկ մնացած մասով կառավարություն ը կզբաղվի: Միայն մի բան կասեմ՝ նոր Հայաստանում չպետք է լինի մի պաշտոնյա, որ իր ժողովրդից վախենա, չմտնի նրանց մեջ ու լսի նրանց, ինչը հենց Անիի համայնքապետն է անում, նա ժողովրդին մոտենալու փոխարեն մի բան էլ հակառակն է անում, այդպիսի պաշտոնյա չպետք է ունենանք»,-եզրափակեց մարզպետը:
Հիշեցնենք, որ արդեն մի քանի ամիս է Մարալիկում կրքերը չեն հանդարտվում: ԲՆակիչները նախ հավաքվեցին քաղաքապետարանի շենքի առջև, հետո անցան նստացույցի: Եղան նաև բախումներ քաղաքապետի կողմակիցների եւ նրա հրաժարականը պահանջողների միջև:
**Արևիկ Հակոբյան**
Անի խոշորացված համայնքի համայնքապետի հրաժարականը պահանջող բնակիչները 15 օրից ավել է՝ նստացույց են անում, վրաններ են տեղադրել եւ գիշերում են դրսում: «15 օրից ավել է էստեղ կքնենք, մե անգամ Արտակ Գևորգյանը չբարեհաճեց գալ, մտնել մեր մեջ ու հլը փորձեր համաձայնության գալ, հասկընար գոնե, թե ինչ կուզենք»,-ասաց բնակիչներից մեկը: Թեև Շիրակի մարզպետ Կարեն Սարուխանյանը հանդիպել է բողոքավորներին, զրուցել նրանց հետ, նստացույցի մասնակիցներին հորդորել է զերծ մնալ անօրինական քայլերից, ճանապարհներ չփակել, չոտնահարել այլոց իրավունքները, այնուամենայնիվ, բնակիչներին դեռևս ոչ մի առաջարկ չի բավարարում: «Ինձ համար տարօրինակ է հենց մարզպետի պահվածքը: Ցանկացած պահի նա կարող էր ստուգումներ անցկացնել համայնքում, համոզվել, թե ինչ անօրինականություններ է արել Գևորգյան Արտակը, ուրիշ ժամանակ դատախազին գրություն է ուղարկում ամեն եղած-չեղած բանի համար, ասենք՝ էս հիվանդանոցում, դպրոցում էս տեսակ չարաշահում է եղել, բա էս մեծ համայնքը չի տեսնո՞ւմ: Ինձ մոտ այն տպավորությունն է, թե նախկին ռեժիմը վերարտադրվել է»,-վրդովված ասաց մեկ այլ բնակիչ:
Շիրակի մարզպետ Կարեն Սարուխանյանն էլ hraparak.am-ին պարզաբանեց.«ՏԻՄ մարմիններն ընտրովի են, անկախ, ես բնակիչներին ասել եմ, եթե անգամ դուք դժգոհում եք, ես լսում եմ, ընդունում, ի պաշտոնե ոչինչ չեմ կարողանալու անել»: Անդրադառնալով համայնքում իրականացվող ստուգումներին եւ հնարավոր խախտումները բացահայտելուն՝ նշեց. «Վարչական, իրավական մասով ստուգումներ անցկացրել ենք, որոշակի խախտումներ բացահայտվել են, ուղարկել ենք տարածքային զարգացման կառավարման նախարարություն, որպեսզի զբաղվեն: Մեր լծակներն այնքան մեծ չէ, որ ֆինանսական, գնումների մասով ստուգումներ անենք, իսկ մնացած մասով կառավարություն ը կզբաղվի: Միայն մի բան կասեմ՝ նոր Հայաստանում չպետք է լինի մի պաշտոնյա, որ իր ժողովրդից վախենա, չմտնի նրանց մեջ ու լսի նրանց, ինչը հենց Անիի համայնքապետն է անում, նա ժողովրդին մոտենալու փոխարեն մի բան էլ հակառակն է անում, այդպիսի պաշտոնյա չպետք է ունենանք»,-եզրափակեց մարզպետը:
Հիշեցնենք, որ արդեն մի քանի ամիս է Մարալիկում կրքերը չեն հանդարտվում: ԲՆակիչները նախ հավաքվեցին քաղաքապետարանի շենքի առջև, հետո անցան նստացույցի: Եղան նաև բախումներ քաղաքապետի կողմակիցների եւ նրա հրաժարականը պահանջողների միջև:
**Արևիկ Հակոբյան**
Կարծիքներ