Կառավարությունում իրար վրա են գցում․ ում որոշմամբ են արգելել լրագրողների մուտքը (տեսանյութ)

Կառավարության անվտանգության աշխատակիցները լրագրողներին թույլ չեն տալիս բարձրանալ կառավարության շենքի 5-րդ հարկ, որտեղ մինչ նիստի մեկնարկը, լրագրողները «Նոր Հայաստանում» հնարավորություն են ունեցել հարցազրույցներ վարել պաշտոնյաների հետ, քանի որ վերջիններս նիստի ավարտից հետո գլխավոր մուտքով հաճախ չէին հեռանում` այդպիսով խուսափելով լրագրողների հետ հանդիպումից։



Անվտանգության աշխատակիցները լրագրողներին փոխանցեցին, որ նման որոշում է կայացրել վարչապետ Նիկոլ Փաշինյանի մամուլի խոսնակ Արման Եղոյանը։ Որոշ ժամանակ անց Եղոյանը վերջապես մոտեցավ լրագրողներին` պատճառաբանելով, որ անվտանգության ծառայությունն է նման որոշում կայացրել` քննարկումների արդյունքում։



Ընդհանուր հայտարարի չգալով` լրագրողները առաջարկեցին նիստից հետո կազմակերպել ասուլիս ԱԱԾ տնօրենի եւ ՀՔԾ պետի հետ, հակառակ դեպքում իրենք բողոքի ակցիա կիրականացնեն կառավարության դիմաց։



Մանրամասները` տեսանյութում։