Չինաստանում ուժի մեջ են մտել ընդդեմ ԱՄՆ սահմանված հակաքայլերը

Չինաստանի ԱԳ նախարարության պաշտոնական ներկայացուցիչ Լու Կանը հայտարարել է, որ ԱՄՆ կողմից սահմանված բարձր մաքսատուրքերին ի պատասխան Պեկինի սահմանված հակաքայլերը մտել են ուժի մեջ։ Այս մասին հայտնում է TACC լրատվական գործակալությունը։ Լու Կանը չի մանրամասնել, թե կոնկրետ ինչ հակաքայլերի մասին է խոսքը եւ պատասխան մաքսատուրքերը կոնկրետ որ ապրանքատեսակներին է վերաբերում եւ քանի տոկոս է կազմում տոկոսադրույքը։



Ավելի վաղ Պեկինը կրկին հայտարարություն էր տարածել, որ Միացյալ Նահանգները սկսել է առեւտրային պատերազմ ընդդեմ Չինաստանի եւ մի շարք այլ պետությունների, խախտելով գլոբալ առեւտրի կանոնները եւ Առեւտրի համաշխարհային կազմակերպության ընթացակարգերը։