Ռուս օդաչուի թուրք մարդասպանը դատապարտվեց հինգ տարվա բանտարկության

Ալփարսլան Չելիքը, ով մեղադրվում էր ռուս օդաչու Օլեգ Պեշկովի սպանության մեջ, թուրքական դատարանի կողմից դատապարտվել է հինգ տարվա ազատազրկման: Այս մասին հայտնում է «Անադոլու» լրատվական գործակալությունը, նշելով, որ մեղադրանքն առաջադրվել է զենքի ապօրինի կրման հոդվածով: Հետաքննությունը, սակայն դեռեւս շարունակվում է եւ հիմնական մեղադրանքի մասով դեռ գործողությունները չեն ավարտվել:

Նշենք, որ թուրքական կողմը հայտարարել է, որ Չելիքին չի հանձնի Ռուսաստանին այնքան ժամանակ, քանի դեռ վերջինիս մեղավորությունն ապացուցող բավարար ապացույցներ չի հայտնաբերել: Նշենք, որ խոսքը ռուսական ինքնաթիռի խոցման մասին է, որի օդաչու Օլեգ Պեշկովին սպանել էին արդեն կատապուլտացվելու ժամանակ: