Հնարավոր է, որ ՀԱԿ ղեկավարությունը կատարի ժողովրդի «հիմա» պահանջը

ՀԱԿ անդամ, ՍԴՀԿ ատենապետ Լյուդմիլա Սարգսյանը երեկ հայտարարել է, որ Հայ ազգային կոնգրեսն այսօրվա հանրահավաքին պատրաստվում է կրկին ներխուժել Ազատության հրապարակ: Ավելին՝ ՍԴՀԿ ատենապետն ասել է, որ հանրահավաքի ժամանակ հնարավոր է, որ ՀԱԿ ղեկավարությունը կատարի ժողովրդի «հիմա» պահանջը: «Ոչինչ չի բացառվում...»,- ասել է նա՝ չբացառելով անգամ Ազատության հրապարակում նստացույցերի սեզոնի սկսումը: ՍԴՀԿ ատենապետն ընդգծել է, որ «բոլոր որոշումները կայացվելու են հանրահավաքի ժամանակ»: «Այս տարվա հանրահավաքները ցույց տվեցին, որ ժողովուրդը չի համակերպվելու այս իրավիճակի հետ»,- նշել է նա: