Ինչ կարդալ «Հրապարակի» սեպտեմբերի 2-ի համարում
hraparak
1 Սեպտեմբեր 2011 | 19:18
0
Արձակուրդից վերադարձած Մարինե Խառատյանը նոր եռանդով փորձել է «Հանրապետություն» կուսակցության նախագահ Արամ Սարգսյանից պարզել, թե ինչու է առկախվել երկխոսությունը եւ ինչ է լինելու սեպտեմբերի 9-ի հանրահավաքում:«Հրապարակն» ընդդեմ «Մառոզի». «Կայացված որոշումն օրինական է, իրոք քրեական հետապնդում իրականացնող մարմնի կողմից չեն ձեռնարկվել բոլոր անհրաժեշտ գործողությունները…»,- ՀՀ քրեական վերաքննիչ դատարանի որոշումն ուրախությամբ արձանագրել է Սոնա Հարությունյանը:
ՀՀԿ-ական պատգամավոր, Թալինից ընտրված Խաչիկ Մանուկյանը Լուսինե Շահվերդյանի հետ զրույցում անհեթեթություն է համարել իր՝ «վերեւների համար անցանկալի անձ» լինելը եւ սպասում է ՀՀԿ խորհրդի որոշմանը՝ կրկին առաջադրվելու համար:
ՀՀ նախագահի նախընտրական դրույթների տնտեսական վերլուծությանն է անդրադառնում Գոհար Սիմոնյանը:
«Բանակն առանց մարդասպանների» նախաձեռնության մասնակիցների ամոթանքին արձագանքել է միայն ՀՀ ոստիկանապետը՝ բացատրություն պահանջելով՝ «ի՞նձ եք ամոթանք տալիս»: Բայց ի վերջո լրագրողներին, այդ թվում Գայանե Սարիբեկյանին բացատրություն է տվել հենց ինքը:
ԱԺ հասարակայնության եւ տեղեկատվության միջոցների հետ կապերի վարչությունը կես դրույքով նաեւ Արտաշատի քաղաքապետարանի մամուլի ծառայության գործն է անում՝ Հովիկ Արգամիչը շարունակում է տիրություն անել Արարատին:
Վաճառվո՞ւմ է արդյոք Ջերմուկում «Կոկա կոլա», թե՞ պարոն Արսենյանն արգելել է դա: Մեր լուրի հերքման հերքումն են տարածել «Հրապարակի» ընթերցողները:
«Ինչո՞ւ պիտի հայ ծնողներից շատ-շատերի սրտում լինի տագնապը, որ բանակը ֆիզիկական վտանգ սպառնացող հաստատություն է լոկ կամ էլ երիտասարդ մարդու հոգեկան աշխարհի խեղաթյուրման ապարատ». փաստաբան Սեդա Սաֆարյանի մտորումները:
Լեռնային Ղարաբաղում եւ Գերմանիայում պատրաստվում են նշել Արցախի անկախության 20-ամյակը:
Բացի այս ամենից, բազմաբնույթ շատ հետաքրքիր տեղեկություններ եւ հոդվածներ, ինչպես նաեւ Արամ Պաչյանի զրույցը «Անտարես» գրահրատարակչության գլխավոր տնօրեն Արմեն Մարտիրոսյանի հետ՝ «Հրապարակի» սեպտեմբերի 2-ի համարում:
Կարծիքներ