Ուկրաինան չի վերահսկում Ռուսաստանի հետ սահմանի 100 կիլոմետրից ավելի հատվածը
Ուկրաինացի սահմանապահները չեն վերահսկում Ռուսաստանի հետ սահմանի ավելի քան100 կիլոմետրից հատվածը, korrespondent.net-ի տեղեկացմամբ՝ այս մասին ճեպազրույցի ժամանակ հայտարարել է Ուկրաինայի ազգային անվտանգության և պաշտպանության խորհրդի տեղեկատվա-վերլուծական կենտրոնի խոսնակ Անդրեյ Լիսենկոն, հաղորդում է -ը:
«Այսօրվա դրությամբ ուկրաինա-ռուսական սահմանի 100 կիլոմետրից ավելին գտնվում է ահաբեկիչների և գրոհայինների, ինչպես նաև ՌԴ ստորաբաժանումների հսկողության տակ»,- նշել է Լիսենկոն:
Ուկրաինայի ազգային անվտանգության և պաշտպանության խորհրդի ներկայացուցիչը նաև նկատել է, որ ՌԴ զորքերի կուտակումներ կան միայն այն հատվածներում, որտեղ չկան ուկրաինացի սահմանապահներ:
«Ինչ վերաբերում է սահմանի այլ հատվածներին, որոնք այժմ գտնվում են ուկրաինացի զինվորականների հսկողության տակ, ռուսական զորքերի ավելացում տեղի չի ունենում, բոլորը գտնվում են զբաղեցրած դիրքերում»,- հավելել է Լիսենկոն
Կարծիքներ