«Վեր տյու կյաս վեչ Ղարաբաղ, ամեն հինչ լյավա իննական»

Երեկ Ազգային ժողովում լրագրողներից մեկի դիտարկմանը՝ «Դուք ասել եք՝ մեզ պետք չեն ուրիշի հողերը», Հերմին Նաղդալյանը յուրօրինակ ձևով է արձագանքել.

«…հենց հիմա դուրս գամ, ասեմ՝ էրեխեք ջան, լավ ջահելներ եք, էն ժամանակ, որ պատերազմ ա եղել, փոքր եք եղել, չեք մասնակցել, հիմա լավ ժամանակն է ձեր իսկական պատերազմին մասնակցելու, եկեք հավաքվենք, ես էլ ձեզ՝ առաջնորդ, ճամփեքն էլ լավ գիտեմ, փորձն էլ ունեմ, գնում ենք Բաքվով, Կիրովաբադով՝ սրբելով գալիս ենք… »:

Ճամփեքը լավ գիտի, կռվի փորձն էլ ունի, լսու՞մ եք…

Երեկ ղարաբաղցիների հետ էի զրուցում ու Հերմինեի ասածի հենց այդ հատվածն էր քննարկվում: Մի ղարաբաղցի ասաց.

«Հատե, խնդրեմ, մհեկ էլ տես հինչա ասըմ: Վեր տյու կյաս վեչ Ղարաբաղ, ամեն հինչ լյավա իննական…»

Հիշեցնենք, որ Հերմինե Նաղդալյանն ասել էր, որը հանրությունը սվիններով էր ընդունել. «Երբ կընդունվի կարգավիճակի մասին որոշում, և աշխարհը կընդունի Ղարաբաղի անկախությունը, մենք ձեր հողերը, կամ էն հողերը, որոնց վրա մենք այսօր այդ իրավունքը չունենք, մենք այդ հողերը չենք ուզում, սա մեր բուֆերային գոտին է և մեր անվտանգության երաշխիքն է»,- ասել էր ԱԺ փոխնախագահը՝ նշելով, որ «մեր փոխզիջումը ոչ թե 5 «գրավյալ» տարածքներն են, այլ Մադրիդյան սկզբունքների ամբողջական համալիրը»:

ՀԳ Մի ղարաբաղցի էլ բորբոքվել էր. «Ախր տյու հուվ իլար է՜… »

Հասմիկ Բաբաջանյան