Փորձե՞լ են գաղտնալսել Ուկրաինայի ԶՈՒ ղեկավարին

Ուկրաինայի զինված ուժերի ղեկավար Վալերի Զալուժնին հայտնել է, որ լսող սարք է հայտնաբերվել գրասենյակում, որտեղ նա նախատեսում էր աշխատել դեկտեմբերի 18-ին։ Սարքը հայտնաբերվել է դեկտեմբերի 17-ին՝ սովորական գրասենյակային ստուգումների ժամանակ։ Ավելի ուշ Ուկրաինայի գլխավոր շտաբը հաստատել է, որ գաղտնալսումներ են հայտնաբերվել նաև Զալուժնիի մի քանի ենթակաների գրասենյակներում։

Ուկրաինայի անվտանգության ծառայությունը քրեական գործ է հարուցել գաղտնալսման համար հատուկ միջոցների ապօրինի ձեռքբերման, վաճառքի կամ օգտագործման վերաբերյալ։ Միևնույն ժամանակ, հետախուզական ծառայությունն ընդգծել է, որ Զալուժնիի գրասենյակում հայտնաբերված սարքը անգործուն է եղել։ «Ես ձեզ կասեմ այսպես. սա այն սենյակն է, որը ես պետք է օգտագործեմ այսօր: «Ես վաղուց այնտեղ չեմ եղել: Բայց մենք ստուգեցինք ու գտանք»,- լրագրողներին մեկնաբանել է Զալուժնին։