Ինչի՞ մեջ է մեղադրվում Դավիթ Բաբայանը․ Բաքուն մանրամասնել է

«Քննությամբ պարզվել է, որ Դավիթ Բաբայանը զբաղվել է ազգային վեճ և ատելություն քարոզող գործունեությամբ, ինչպես նաև համակարգել է ահաբեկչական խմբավորումների գործողությունները»։ Այդ մասին հայտնել է Ադրբեջանի գլխավոր դատախազությունը։

«Քննությունը հիմնավոր կասկածներ ունի, որ Դավիթ Բաբայանը ներգրավված է եղել ահաբեկչության հետ կապված հանցագործությունների կազմակերպման մեջ, այդ թվում՝ բալիստիկ հրթիռներով խաղաղ բնակիչներով բնակեցված անպաշտպան բնակավայրերի գնդակոծմանը, մասնավորապես՝ 2020 թվականի հոկտեմբերի 17-ին Ադրբեջանի Հանրապետության Գյանջա քաղաքի գնդակոծմանը»,-նշված է հայտարարության մեջ։

Նշվում է նաև, որ ԼՂՀ ԱԳՆ նախկին նախարար Դավիթ Բաբայանի դեմ քրեական գործ է հարուցվել 2020 թվականի հոկտեմբերի 28-ին․ նա միջազգային հետախուզման մեջ է։