Գագիկ Խաչատրյանի կալանքը երկարացնելու վերաբերյալ նիստը չկայացավ
ՊԵԿ նախկին նախագահ Գագիկ Խաչատրյանի կալանքը երկարացնելու վերաբերյալ դատարանի որոշման դեմ փաստաբանական խմբի բողոքի քննության նիստը պետք է տեղի ունենար այսօր։ Դրա մասին անգամ ասել էին նրա պաշտպանները։
Սակայն, լրատվամիջոցներին Վերաքննիչ քրեական դատարանից տեղեկացրին, որ պաշտպանական թիմից կողմից բերած բողոքի քննությունը տեղի է ունենալու վաղը՝ փետրվարի 4-ին։ Իսկ թե ո՞րն է տեղափոխման պատճառը՝ հայտնի չէ։ Նշենք, որ այս նիստը նախագահելու է դատավոր Սերգեյ Մարաբյանը։
Նշենք նաեւ, որ այսօր պաշտպանական թիմը հայտարարություն էր տարածել, որտեղ նշված էր․
«Հատկանշական է, որ Գագիկ Խաչատրյանի կալանքը երկարացնելու վերաբերյալ դատարանի որոշման դեմ փաստաբանական բողոքի նիստը տեղի է ունենում Խաչատրյանի առողջական վիճակի վատթարացման մասին բազմաթիվ ահազանգներին զուգահեռ։ Գագիկ Խաչատրյանն արդեն 7 ամիս է, ինչ կալանքի տակ է և առնվազն երեք անգամ բժշկական օգնության, հրատապ հետազոտության և հոսպիտալացման մասին տեղեկատվություն է հրապարակվել մամուլում։ Ըստ փաստաբանական խմբի, Խաչատրյանը սիմպտոմատիկ բուժում է ստանում կալանավայրում, այնինչ, նա մասնագիտացված հատուկ խնամքի կարիք ունի, և բժշկական օգնության բացակայության դեպքում անդառնալի հետևանքներ կարող են առաջանալ»։
Կարծիքներ