Արգելել են ցորենի եւ գարու արտահանումը 

Վրաստանում կառավարությունը որոշում է կայացրել արգելել ցորենի եւ գարու արտահանումը։ Արգելքը մեկ տարով է։ Արգելքի ժամկետը սկսվում է այս տարվա հուլիսի 4-ին, ավարտվում է 23 թվականի հուլիսի չորսին։ Այս մասին հայտնում է Վրաստանի Գյուղատնտեսության նախարարությունը։ Համաձայն հայտարարության, այդ կերպ իշխանությունները փորձում են ապահովել Վրաստանի բնակչության պարենային անվտանգությունը, նաեւ փորձում է այդ կերպ զսպել գնաճը։ Արգելքը չի տարածվում եգիպտացորենի վրա։ Նշենք, որ տարեկան Վրաստանը օգտագործում 700-800 հազար տոննա ցորեն։

Հիմնական մտակարարներն են՝ Ռուսաստանը, Ղազախստանը, Ուկրաինան եւ ԱՄՆ-ն։  Ընդ որում, Ռուսաստանին բաժին է ընկնում դեպի Վրաստան մատակարարվող ցորենի 70 տոկոսը։