Վրաստանին կպաշտպանենք ՌԴ-ի սպառնալիքներից․ ՄԹ ԱԳ նախարարը՝ վրացի գործընկերոջը
![Վրաստանին կպաշտպանենք ՌԴ-ի սպառնալիքներից․ ՄԹ ԱԳ նախարարը՝ վրացի գործընկերոջը](https://hraparak.am/uploads/images/2023/01/image_750x_63d36bc749ace.jpg)
Լոնդոնում բանակցություններ են տեղի ունեցել Մեծ Բրիտանիայի և Վրաստանի արտգործնախարարներ Ջեյմս Քլևերլիի և Իլյա Դարչիաշվիլիի միջև։
Բրիտանացի գլխավոր դիվանագետը նշել է, որ Լոնդոնը երկարաժամկետ հեռանկարում լինելու է Վրաստանի կողքին։
Հանդիպմանը արտգործնախարարն ընդգծել է Մեծ Բրիտանիայի անվերապահ աջակցությունը Վրաստանի ինքնիշխանությանն ու տարածքային ամբողջականությանը։
Բացի այդ, Քլևերլին ողջունել է Վրաստանի քաղաքական աջակցությունն Ուկրաինային։
«Այսօր ես կրկնեցի, որ Մեծ Բրիտանիան իր վրացի ընկերների կողքին է, և մենք կշարունակենք աջակցել նրանց հիբրիդային սպառնալիքների դեմ պայքարում, որոնց նրանք դեռ բախվում են Ռուսաստանի կողմից», - ասել է նա:
Կարծիքներ