Ինչպես վարվեցի ադրբեջանական գերու հետ

 Այս փոքրիկ դրվագին տարբեր առիթներով անդրադարձել եմ: Մեր գերիների խոշտանգումների ֆոնին կրկին ներկայացնում եմ։ Արցախյան պատերազմի սկիզբն էր․ թուրքը Ղարաբաղի որոշ գյուղերում խաղաղ բնակիչների հետ անասնական դաժանությամբ էր վարվում: Ռազմական թղթակից էի, բոլոր իրադրություններին մոտ կանգնած մարդ: Անասելի դաժանությամբ էի լցվել, այնպիսի չարությամբ, ինչպես այսօր բոլորս միասին չարացած ենք մեր գերիների նկատմամբ նման անասնական վարքագծից: Այն ժամանակ, ի փառս մեր ոստիկանության, նրանք ևս ջոկատներ էին կազմել ու սխրագործություններ էին գործում: Գորիսի այն ժամանակվա ոստիկանապետին խնդրեցի.

-Եթե որևէ գերի բերեն ձեր մոտ, խնդրում եմ,-ինձ կանչեք, ես ուզում եմ սեփական ձեռքերով պատճառել նրանց այն ցավը, ինչ մեր գերիների նկատմամբ են անում:

Ու ինքս ինձ արդեն պատկերացնում էի, թե ոնց կվարվեմ այդ գերու հետ: Ասեմ, որ բազում անգամ ականատես եմ եղել, երբ հայկական կողմին էին ուղարկում մեր անդամահատված գերիների մարմինները, անճանաչելի, այլանդակված։ Ոստիկանապետի կանչը չուշացավ՝ արի, գերի ենք բերել: Կին էր: Երբ ներս մտա, նա ոռնում էր ցավից: Ոտքը կոտրված էր, փախուստի ժամանակ էր եղել: Ծանր կոտրվածք էր ու չէր լռում, կատվի պես մլավում էր: Երբ մտա, սողեսող, չոքեչոք գրկեց ոտքերս ու լաց եղավ.

-Բաջի քյոմագ, աղրըյըր: /Քույրիկ, ցավում է, օգնիր ինձ/:

Գլխապտույտ ունեցա խղճի խայթից, ձեռքով թիկնեցի պատին ու ինձ ուղեկցողին կանչեցի.

-Խնդրում եմ ոստիկանապետին ասեք, մեղք է, մի ցավազրկող տա, մինչև բժիշկ կանչենք: Ոստիկանապետը մտավ ու խորամանկ ժպտաց ինձ.

-Արի՜, արի՜, այդպես էլ գիտեի: Ա՜յ սա է հայի ու թուրքի տարբերությունը:

Մենք այս անասուններին իրենց ձևով չենք պատասխանում, դրա համար են մեզ հոշոտում: Կենդանուն այլ կերպ պատասխանել չի լինի, որովհետև կենդանի՜ են ու չեն հասկանում, թե ինչ են անում…

Հիմա թուրք կենդանիների նախրապետին ուզում եմ ասել՝ մենք ձեր գերու հետ այսպես վարվեցինք, դուք ի՞նչ եք անում, հրեշներ։ Դա էլ այն դեպքում, երբ Բորիսովկայում ու այլ գյուղերում այդ ժամանակ ձեր այլանդակ դիմագիծն էիք ցուցադրում՝ հոշոտելով, կացնահարելով մարդկանց: Այդքան չարությամբ հանդերձ՝ դուք պարտվեցիք: Ձեր չարությունն ու դաժանությունը առաջին հերթին հոշոտելու են ձեզ: