Թալիբները Իրանի հետ սահմանին եւս մեկ անցակետ են գրավել

«Թալիբան» խմբավորման գրոհայինները հայտարարել են, որ Իրանի եւ Թուրքմենստանի հետ սահմանային եւս մեկ անցակետ են գրավել, որը գտնվում է աֆղանական Գերաթ նահանգում։ Այս մասին հայտնում է TOLOnews-ը։ Մասնավորապես գրոհայինները գրավել են մաքսակետերը Իսլամ-Կալա եւ Թորգունդի քաղաքներում։ Հայտնի է դարձել, որ թալիբների գալուց հետո Իսլամ Կալայում մեծ թվով անվտանգության ուժեր եւ պաշտոնյաներ հատել են Իրանի հետ սահմանը։ Նշենք, որ «Թալիբանի» ներկայացուցիչը AP-ին հայտնել էր, որ գրավել են Իսլամ Կալա քաղաքը։