Արման Եղոյանը նշանակվել է վարչապետի մամուլի քարտուղար

Արման Եղոյանը նշանակվել է վարչապետի մամուլի քարտուղար
Վարչապետ Նիկոլ Փաշինյանի որոշմամբ՝ Արման Եղոյանը նշանակվել է վարչապետի մամուլի խոսնակ։



«Ղեկավարվելով «Հանրային ծառայության մասին» օրենքի 9-րդ հոդվածի 10-րդ մասով՝ Արման Եղոյանին նշանակել վարչապետի մամուլի քարտուղար»:



Այս կապակցությամբ խոսնակը ֆեյսբուքյան էջում գրել է․



«Սիրելի հայրենակիցներ, պատիվ ունեմ հայտնելու, որ կատարելու եմ Հայաստանի վարչապետի մամուլի քարտուղարի պարտականությունները:



Հաջորդ շաբաթ կնախաձեռնեմ հանդիպում բոլոր հետաքրքրված լրատվամիջոցների ներկայացուցիչների հետ՝ քննարկելու մի շարք աշխատանքային, ընթացակարգային և տեխնիկական բնույթի հարցեր, որոնց լուծմամբ, համոզված եմ, էականորեն կբարձրանա տեղեկատվական շրջանառության արդյունավետությունը, իսկ բյուրոկրատական անհարմարությունները՝ կհասցվեն նվազագույնին:



Վստահ եմ, որ մեզ սպասվում է անկեղծ, բաց ու արդյունավետ աշխատանք»: