Ուկրաինայի Ուղղափառ եկեղեցին կստանա ինքնագլխություն Ուկրաինայի նախագահ
Պետրո Պորոշենկոն հայտարարել է, որ բանակցություններ են սկսվել Կոստանդնուպոլսի Տիեզերական պատրիարքության հետ, որպեսզի Ուկրաինայի Ուղղափառ եկեղեցին ստանա ինքնագլխություն` ավտոկեֆալություն: Այս մասին տեղեկանում ենք Պորոշենկոյի ֆեյսբուքյան էջում տեղ գտած գրառումից: «Տիեզերական պատրիարքությունը կսկսի գործընթաց, որով Ուկրաինայի Ուղղափառ եկեղեցին կստանա ինքնգլխություն: Համապատասխան որոշում կայացվել է Տիեզերական պատրիարքության Սրբազան Սյունհոդոսի կողմից, ըստ Տիեզերական պատրիարք Բարդուղիմեոսին արված իմ դիմումի: Դիմումի մեջ ես խնդրել եմ Տիեզերական պատրիարքից ինքնգլխության հրովարտակ տալ Ուկրաինայի Ուղղափառ եկեղեցուն, հիմք ունենալով Ուկրաինայի Գերագույն Ռադայի որոշումը եւ թեմակալ առաջնորդների եւ բարձրաշխարհիկ կղերականության դիմումները»,- ասված է գրառման մեջ: Նշենք, որ այդպիսով Ուկրաինայի իշխանությունները փորձում են նաեւ եկեղեցական ասպարեզում կտրվել Մոսկվայից ունեցած ազդեցությունից:
Կարծիքներ