Տնօրենի՝ քաղաքապետի բարեկամ լինելն ի՞նչ կապ ունի դպրոցների միավորման հետ. Շիրակի մարզի կրթության վարչության պետ
![Տնօրենի՝ քաղաքապետի բարեկամ լինելն ի՞նչ կապ ունի դպրոցների միավորման հետ. Շիրակի մարզի կրթության վարչության պետ](https://hraparak.am/uploads/images/rymjuARlG.gif)
Շիրակի մարզի Արթիկ քաղաքի 7-րդ ավագ դպրոցը վերջնականապես լուծարվեց: Կառավարության որոշմամբ՝ թիվ 7 ավագ դպրոցը միավորվեց թիվ 3 ավագ դպրոցին, որին դեմ էին լուծարվող դպրոցի աշակերտներն ու մանկավարժները: Հիշեցնենք, որ դեռ հոկտեմբերին դպրոցը փակելու որոշման հետ կապված թիվ 7 ավագ դպրոցի ողջ ուսուցչական կոլեկտիվն աշակերտների հետ միասին գործադուլ և դասադուլ էին հայտարարել:
Ինչևէ, դասադուլն ու գործադուլն արդյունք չտվեցին: 240 աշակերտներից 90-ը տեղափոխվել են թիվ 3 ավագ դպրոց: Եթե աշակերտների բաշխումը խնդիր չի առաջացրել, ապա լուրջ խնդիր է ուսուցիչներին տեղավորելու հարցը: Թիվ 7 ավագ դպրոցի ուսուցչուհիներից մեկը, խնդրելով չհրապարակել իր անունը, hraparak.am-ին է դիմել՝ արտահայտելով բողոքը:
«Մեր դպրոցի 30-ից ավել ուսուցիչներից միայն կեսին են գործի տեղավորել, մի քանիսին էլ արդեն որոշել են՝ թոշակի ուղարկել, մի խոսքով իրենց այդպես էր հարմար, մեզ էլ դարձրեցին գործազուրկ, վերջացավ-գնաց: Թիվ 3 ավագ դպրոցում տեղավորված կոլեգաններս էլ մի երանելի վիճակում չեն, իրենց ուսուցիչներից խլել են դասաժամերը, ընդամենը 7-8 դասաժամ են հատկացրել: Այդպես համ աշխատանքային մթնոլորտն են փչացրել, համ ստացած աշխատավարձերը կրճատել »,- պատմեց արդեն նախկին թիվ 7 դպրոցի ուսուցչուհին:
Նրա խոսքերով՝ կառավարությունն հիմնավորեց, թե իրենց դպրոցի շենքային պայմանները սարսափելի են, մինչդեռ Արթիկի թիվ 7 դպրոցը 1988-ի երկրաշարժից հետո էր կառուցվել և ավելի նոր է, քան թիվ 3 դպրոցը, որը շահագործման է հանձնվել 1950-ականներին։ Արթիկում պտտվող խոսակցություններից մեկն այն է, որ իրականում, թիվ 7 դպրոցին պետք է միանար 3-ը, բայց տեղի ունեցավ հակառակը:
Թիվ 3 ավագ դպրոցի տնօրեն Աշոտ Վարագյանը քաղաքապետ Մխիթար Վարագյանի ազգականն է: Եւ հանելուկը հենց այստեղ է, որ թիվ 3 ավագ դպրոցը պահպանվեց, իսկ 7-ը՝ օպտիմալացում անվան տակ լուծարվեց: Արթիկի թիվ 3 ավագ դպրոցի տնօրեն Աշոտ Վարագյանի հետ մեզ զրուցել չհաջողվեց, նա տեղում չէր, իսկ աշխատակցուհու փոխանցմամբ տնօրենը կադաստրում է, հնարավոր է՝ ուշ վերադառնա: Արթիկի քաղաքապետարանի կրթության բաժնի պետ Ավետիք Կնյազյանն էլ փոխանցեց, թե դպրոցը նախարարության ենթակայության տակ է, մանրամասներից տեղյակ չէ:վ«Միայն կարող եմ ասել, որ դպրոցի ուսուչական եւ աշակերտական կազմն արդեն տեղափոխվել է թիվ 3 դպրոց, ավելին չգիտեմ»,-ասաց քաղաքապետարանի կրթության բաժնի պետը:
Զրուցեցինք Շիրակի մարզպետարանի կրթության վարչության բաժնի պետ Հրայր Կարապետյանի հետ: «Ինչո՞ւ է օպտիմալացվել 7-րդ դպրոցը եւ ոչ 3-րդը, որովհետև 7-րդի շենքային պայմանները չէր ներում, ոչ բարվոք վիճակում էր գտնվում տանիքը, ձյունն ու անձրևաջրերը լցվում էին դասասենյակները, սնկային հիվանդություն էր տարածվում : Իսկ ինչ վերաբերվում է ուսուցիչներին, 30 ուսուցչից 23-ը արդեն տեղավորվել են թիվ 3 ավագ դպրոցում, դուրս են մնացել միայն 7-8 ուսուցչուհի : Նրանց համար էլ անում ենք ամեն հնարավորը հանրակրթարաններում տեղավորելու համար»,-ասաց մարզպետարանի պաշտոնյան՝ միաժամանակ չհերքելով, որ աշխատանքի տեղավորված ուսուցիչները դրույքաժամերի հետ կապված խնդիրներ ունեն:
Հրայր Կարապետյանից հետաքրքրվեցինք՝ որքանով են իրական խոսակցությունները, թե թիվ 3 ավագ դպրոցի տնօրենը վայելում է քաղաքապետ ազգականի հովանավորությունը: «Նման բան չկա, իրականում չգիտեմ էլ ազգականն են, թե ոչ, բայց տնօրենի՝ քաղաքապետի բարեկամ լինելն ի՞նչ կապ ունի դպրոցների միավորման հետ, դրանք անհեթեթ խոսակցություններ են, ուրիշ ոչինչ»,-եզրափակեց նա:
**Արևիկ Հակոբյան**
Ինչևէ, դասադուլն ու գործադուլն արդյունք չտվեցին: 240 աշակերտներից 90-ը տեղափոխվել են թիվ 3 ավագ դպրոց: Եթե աշակերտների բաշխումը խնդիր չի առաջացրել, ապա լուրջ խնդիր է ուսուցիչներին տեղավորելու հարցը: Թիվ 7 ավագ դպրոցի ուսուցչուհիներից մեկը, խնդրելով չհրապարակել իր անունը, hraparak.am-ին է դիմել՝ արտահայտելով բողոքը:
«Մեր դպրոցի 30-ից ավել ուսուցիչներից միայն կեսին են գործի տեղավորել, մի քանիսին էլ արդեն որոշել են՝ թոշակի ուղարկել, մի խոսքով իրենց այդպես էր հարմար, մեզ էլ դարձրեցին գործազուրկ, վերջացավ-գնաց: Թիվ 3 ավագ դպրոցում տեղավորված կոլեգաններս էլ մի երանելի վիճակում չեն, իրենց ուսուցիչներից խլել են դասաժամերը, ընդամենը 7-8 դասաժամ են հատկացրել: Այդպես համ աշխատանքային մթնոլորտն են փչացրել, համ ստացած աշխատավարձերը կրճատել »,- պատմեց արդեն նախկին թիվ 7 դպրոցի ուսուցչուհին:
Նրա խոսքերով՝ կառավարությունն հիմնավորեց, թե իրենց դպրոցի շենքային պայմանները սարսափելի են, մինչդեռ Արթիկի թիվ 7 դպրոցը 1988-ի երկրաշարժից հետո էր կառուցվել և ավելի նոր է, քան թիվ 3 դպրոցը, որը շահագործման է հանձնվել 1950-ականներին։ Արթիկում պտտվող խոսակցություններից մեկն այն է, որ իրականում, թիվ 7 դպրոցին պետք է միանար 3-ը, բայց տեղի ունեցավ հակառակը:
Թիվ 3 ավագ դպրոցի տնօրեն Աշոտ Վարագյանը քաղաքապետ Մխիթար Վարագյանի ազգականն է: Եւ հանելուկը հենց այստեղ է, որ թիվ 3 ավագ դպրոցը պահպանվեց, իսկ 7-ը՝ օպտիմալացում անվան տակ լուծարվեց: Արթիկի թիվ 3 ավագ դպրոցի տնօրեն Աշոտ Վարագյանի հետ մեզ զրուցել չհաջողվեց, նա տեղում չէր, իսկ աշխատակցուհու փոխանցմամբ տնօրենը կադաստրում է, հնարավոր է՝ ուշ վերադառնա: Արթիկի քաղաքապետարանի կրթության բաժնի պետ Ավետիք Կնյազյանն էլ փոխանցեց, թե դպրոցը նախարարության ենթակայության տակ է, մանրամասներից տեղյակ չէ:վ«Միայն կարող եմ ասել, որ դպրոցի ուսուչական եւ աշակերտական կազմն արդեն տեղափոխվել է թիվ 3 դպրոց, ավելին չգիտեմ»,-ասաց քաղաքապետարանի կրթության բաժնի պետը:
Զրուցեցինք Շիրակի մարզպետարանի կրթության վարչության բաժնի պետ Հրայր Կարապետյանի հետ: «Ինչո՞ւ է օպտիմալացվել 7-րդ դպրոցը եւ ոչ 3-րդը, որովհետև 7-րդի շենքային պայմանները չէր ներում, ոչ բարվոք վիճակում էր գտնվում տանիքը, ձյունն ու անձրևաջրերը լցվում էին դասասենյակները, սնկային հիվանդություն էր տարածվում : Իսկ ինչ վերաբերվում է ուսուցիչներին, 30 ուսուցչից 23-ը արդեն տեղավորվել են թիվ 3 ավագ դպրոցում, դուրս են մնացել միայն 7-8 ուսուցչուհի : Նրանց համար էլ անում ենք ամեն հնարավորը հանրակրթարաններում տեղավորելու համար»,-ասաց մարզպետարանի պաշտոնյան՝ միաժամանակ չհերքելով, որ աշխատանքի տեղավորված ուսուցիչները դրույքաժամերի հետ կապված խնդիրներ ունեն:
Հրայր Կարապետյանից հետաքրքրվեցինք՝ որքանով են իրական խոսակցությունները, թե թիվ 3 ավագ դպրոցի տնօրենը վայելում է քաղաքապետ ազգականի հովանավորությունը: «Նման բան չկա, իրականում չգիտեմ էլ ազգականն են, թե ոչ, բայց տնօրենի՝ քաղաքապետի բարեկամ լինելն ի՞նչ կապ ունի դպրոցների միավորման հետ, դրանք անհեթեթ խոսակցություններ են, ուրիշ ոչինչ»,-եզրափակեց նա:
**Արևիկ Հակոբյան**
Կարծիքներ