Փաշինյանի գործը Եվրադատարանը կքննի առաջնահերթության կարգով

«Հայկական Ժամանակ» օրաթերթի գլխավոր խմբագիր Նիկոլ Փաշինյանի փաստաբան Վահե Գրիգորյանը տեղեկացրել է, որ Մարդու իրավունքների Եվրոպական դատարանից պատասխան է ստացվել, որի համաձայն ՄԻԵԴ-ը որոշում է ընդունել սկսել քննել Նիկոլ Փաշինյանի գործը` առաջնահերթության կարգով: Չնայած Վահե Գրիգորյանն ՄԻԵԴ ուղարկած իր հայցադիմումում երկու կետ էր առանձնացրել, որոնց քննությունը, ինչպես ակնկալվում էր, պետք է կատարվեր առաջնահերթության կարգով (Փաշինյանի գրելու եւ փաստաբանի հետ առանձնատեսակցությունների իրավունքների վերականգնումը), սակայն Եվրոպական դատարանը առաջնահերթության կարգով ընթացք է տվել հայցադիմումի ողջ փաթեթին: Այն վերաբերվում է Նիկոլ Փաշինյանի ապօրինի ազատազրկմանն ընդհանրապես: