«Հրապարակի» ընթերցողներ. Փոխել Հայաստանի ֆուտբոլի ֆեդերացիայի նախագահին

Հայաստանի ֆուտբոլի ազգային հավաքականն առնձնապես հաջող հանդես չի գալիս, թեեւ մեր հավաքականի շատ ֆուտբոլիսներ թե ներսում,թե Հայաստանից դուրս գործող ակումբների առաջատար խաղացողներ են:



 



Միայն 2013 թվականին մեր ընտրանին ՖԻՖԱ-ի վարկանիշային աղյուսակում նահանջել է մոտ 15 աստիճանով: Սա նկատի ունենալով, «Հրապարակ» օրաթերթը իր www.hraparak.am կայքում ընթերցողներին առաջարկել էր պատասխանել հետեւյալ հարցին՝ «Ինչպեսզարգացնելհայկականֆուտբոլը»: Հարցմանը մասնակցել է 490 ընթերցող:



 



 



Մեծամասնությունը՝ (67%՝ 329 ձայն) վստահ է, որ հայկական ֆուտբոլի զարգացման համար հարկ է «փոխել Հայաստանի ֆուտբոլի ֆեդերացիայի նախագահին»: 13 տոկոսը կամ 66 ընթերցող ասել է, որ պետք է «մեծ խրախուսանքներ սահմանել հաղթանակների համար եւ բարձր աշխատավարձ վճարել ֆուտբոլիստներին ու մարզիչներինին»: 55 ընթերցող (11%) ասել է՝ «երկաթյա կյարգապահություն սահմանել ֆուտբոլային թիմերում եւ 14 ժամյա պարապմունքներ անցկացնել: 9 տոկոսն էլ՝  40 ձայն կարծում է որ հայկական ֆուտբոլի զարգացման համար պետք է «փոխել մարզիչներին եւ հմուտ մարզիչներ հրավիրել դրսից»: