Թուրքիայում տարհանում են Սիրիայի հետ սահմանամերձ շրջանի բնակչությանը
![Թուրքիայում տարհանում են Սիրիայի հետ սահմանամերձ շրջանի բնակչությանը](https://hraparak.am/uploads/images/098cf83e17cda3d1773befa6c89ef649.jpg)
Թուրքիայի իշխանությունները տարհանում են Սիրիայի հետ սահմանակից Ղարղամիշ շրջանի բնակչությանը, հայտնում է СNN Turk-ը:
Ավելի վաղ շրջանը ռմբակոծվել էր Սիրիայի հյուսիսային Ջարաբլուս քաղաքի տարածքից, որտեղ մարտեր են ընթանում չափավոր ընդդիմության և «Իսլամական պետություն» ահաբեկչական խմբավորման գրոհայինների միջև: Վերջիններիս դիրքերի վրա թուրքական զինված ուժերը պատասխան հրետանային կրակ են բացել:
Թուրքիայի ոստիկանությունը սահմանամերձ շրջանի բնակչությանը կոչ է անում անվտանգության նկատառումներով լքել բնակավայրերը: Դրա համար տրամադրվել են հատուկ ավտոբուսներ: Այդուհանդերձ՝ տարհանումն իրականացվում է բացառապես կամավոր հիմունքներով:
Կարծիքներ