Մոսկվա-Երևան ավտոբուսի վթարից տուժած երեխաներից մեկի վիճակը գնահատվում է ծանր
Այսօր՝ հոկտեմբերի 14-ին, ժամը 04.30-ին (տեղական ժամանակով՝ 05.30-ին) ՌԴ ԱԻՆ ճգնաժամային կառավարման կենտրոնից տեղեկություն է ստացվել, որ Վլադիկավկազ-Բեսլան շրջանցիկ ավտոճանապարհի 8-րդ կմ-ին «Մերսեդես Բենց-0404-15R» մակնիշի 50 AA 515 պետհամարանիշի մարդատար ավտոբուսը Մոսկվա-Երևան երթուղին իրականացնելիս բախվել է «Սկանիա» մակնիշի բեռնատար ավտոմեքենային:
Ըստ նախնական տեղեկությունների՝ ավտոբուսում եղել է 52 ուղևոր:
ՀՀ ԱԻՆ ճգնաժամային կառավարման ազգային կենտրոնից կապ է հաստատվել ՌԴ-ում ՀՀ ԱԻՆ ներկայացուցիչ, փ/ծ գնդապետ Ա․Ղազարյանի և ՌԴ ԱԻՆ Հյուսիային Օսեթիայի ճգնաժամային կառավարման կենտրոնի հետ:
Պարզվել է, որ պատահարի հետևանքով զոհվել են 5 մարդ, վիրավորվել 27 ուղևոր: Տուժածները, այդ թվում` 4 երեխա, անմիջապես տեղափոխվել են Վլադիկավկազ քաղաքի տարբեր հիվանդանոցներ:
ՀՀ ԱԻՆ մամուլի հաղորդագրության համաձայն՝ երեխաներից մեկի վիճակը բժիշկների գնահատմամբ ծանր է:
Կտրվի լրացուցիչ տեղեկություն:
Կարծիքներ