ԱՄՆ-ն կողմ է Հայաստանի և Ադրբեջանի միջև խաղաղ բանակցություններին․ Պետդեպ
![ԱՄՆ-ն կողմ է Հայաստանի և Ադրբեջանի միջև խաղաղ բանակցություններին․ Պետդեպ](https://hraparak.am/uploads/images/2023/01/image_750x_63d373c16e778.jpg)
Միացյալ նահանգները հավատարիմ է Հայաստանի և Ադրբեջանի միջև խաղաղ բանակցություններին.
Այս մասին հերթական ճեպազրույցում հայտարարել է ԱՄՆ պետքարտուղարության մամուլի քարտուղարի տեղակալ Վեդանտ Պատելը։
«Մենք ողջունում ենք գործընկերների, այդ թվում՝ Եվրամիության ջանքերը տարածաշրջանում վստահություն ձևավորելու և Հայաստանի և Ադրբեջանի միջև ուղիղ երկխոսության համար նպաստավոր պայմաններ ստեղծելու ուղղությամբ», - ընդգծել է ԱՄՆ արտաքին գերատեսչության ներկայացուցիչը։
Նրա խոսքով՝ ԱՄՆ-ը շարունակում է սերտորեն համագործակցել բոլոր գործընկերների հետ, այդ թվում՝ տարածաշրջանային, երբ դա արդյունավետ է։
«Ինչ վերաբերում է Ռուսաստանի դերին, ապա ԱՄՆ-ը ներգրավված չի եղել 2020 թվականի նոյեմբերին Ռուսաստանի միջնորդությամբ Հայաստանի և Ադրբեջանի միջև եռակողմ հրադադարի վերաբերյալ հայտարարության մեջ, որի արդյունքում ռուս խաղաղապահներ են տեղակայվել, ուստի ես որևէ նոր բան չեմ կարող առաջարկել այս հարցում։ Բայց, իհարկե, ինչպես գիտեք, դա շատ կարևոր է պետքարտուղարի համար։ Սա հենց այն է, ինչին նա մեծ ուշադրություն է դարձնում և որում ակտիվորեն մասնակցում է», - ասել է Պատելը:
Կարծիքներ