Մեր կոնտինգենտը էնտեղ գնացել է մարդասիրական առաքելության, ոչ թե հանգստի․ Տոնոյանը՝ Սիրիա ուղարկված զորքի մասին
Ռուսաստանի հետ համագործակցության շրջանում Սիրիա հումանիտար օգնություն ուղարկելու հարցը շատ քննարկվեց և քննադատվեց, որ դա կարող է լարվածություն առաջացնել Հայաստան-ՆԱՏՕ և Հայաստան-Արևմուտք հարաբերություններում։ Պաշտպանության նախարար Դավիթ Տոնոյանին հարցրինք, թե ի՞նչ կարող է ասել այս կապակցությամբ։
«Չեմ կարծում և չեմ հավատում, որովհետև դա մարդասիրական առաքելություն է»,-ասաց նա։
-Պարզապես նախկինում չէր եղել նման բան։
-Բայց նախկինում էդպիսի իրավիճակ էլ չի եղել Սիրիայում։
-Նաև դժգոհություն կա, որ ի տարբերություն Սիրիայի՝ Աֆղանտստանում և Կոսովոյում մեր զինվորները շատ ավելի լավ պայմաններում են ծառայում, իսկ Սիրիայում պայմանները շատ վատ են։
-Ես չեմ կարծում, որ մեր կոնտինգենտը էնտեղ հանգստանալու է գնացել։ Մեր կոնտինգենտը էնտեղ գնացել է մարդասիրական առաքելություն իրականացնելու, այլ ոչ թե իրենց հանգիստն անցկացնելու։
-Այդուհանդերձ, ՆԱՏՕ-ի տրամադրած պայմանները շատ ավելի լավն են, քան Սիրիայում։
-Ես կարծում եմ՝ մեր կոնտինգենտի անդամները ավելի քիչ են բարձրացնում էդ հարցը, քան թե լրատվական միջոցները։
-Նաև նրանցից են այդ դժգոհութունները գալիս։
-Ես շատ ցավում եմ, որ էդպիսի դժգոհություններ կան, ուրեմն չեն գիտակցել, թե ուր են գնում և ինչ առաքելություն են իրականացնում։
-Աշխատավարձը նո՞ւյնն է Սիրիայում, ինչ Աֆղանստանում, օրինակ։
-Ոչ, իրենք հավելավճար են ստանում։
Կարծիքներ