Բայրամովը մեջբերեց Փաշինյանին
Hraparak
22 Սեպտեմբեր 2023 | 00:48
0
«Ադրբեջանը դադարեցրել է իր հակաահաբեկչական գործողություններն այն բանից հետո, երբ Հայաստանի ղարաբաղյան խամաճիկ ռեժիմը համաձայնել է ամբողջությամբ զինաթափվել և նստել բանակցությունների»։
Այս մասին ՄԱԿ-ի ԱԽ արտահերթ նիստում հայտարարել է Ադրբեջանի ԱԳ նախարար Ջեյհուն Բայրամովը, միաժամանակ պնդելով, թե Հայաստանն, իբր, 44-օրյա պատերազմից հետո շարունակել է անօրինական զինված կազմավորումներ ունենալ Լեռնային Ղարաբաղում։
Հակադարձելով Հայաստանի մեղադրանքներին, Բայրամովը հիշատակել է ՀՀ վարչապետ Նիկոլ Փաշինյանի՝ ժամեր առաջ արված հայտարարությունը, որով հերքվել է ԼՂ հայերի զանգվածային սպանությունների մասին լուրերը։
«Հիշեցնեմ, որ այս մասին մեղադրանքները հերքել է հենց Հայաստանի վարչապետը»,-նշել է Ադրբեջանի ԱԳ նախարարը՝ հավաստիացնելով, թե ադրբեջանական բանակն, իբր, չի թիրախավորել քաղաքացիական անձան ու ենթակառուցվածքներին։
Կարծիքներ