Իրանին հաջողվել է խոցել Իսրայելի ռազմական օբյեկտները
Իրանցի քաղաքական վերլուծաբան Փույա Հոսսեյնիին ֆեյսբուքյան իր էջում գրել է․
«Իրանի կողմից Իսրայելի վրա գիշերային հարվածներից հետո` հայաստանյան սոցիալական ցանցերում տեսնում ենք քիչ թվով մարդկանց, ովքեր նեղացել և խռովել են Իրանից` Իսրայելին հարվածելու և պատժելու համար. կարծես թե Իրանը իրենց հայրական տան վրա է հարձակվել։ Իրենցից շատերը կրկնում և տարածում են Իսրայելի ՊՆ֊ի խոսնակի և որոշ լրատվամիջոցների այն հայտարարությունը, թե իրանական հրթիռների ու ԱԹՍ֊ների 99%֊ը խոցվել են Իսրայելի ու նրա դաշնակիցների ՀՕՊ համակարգերի կողմից։
Պետք է նշեմ, որ Իրանի հիմնական նպատակը Իսրայելին պատժելն էր` մոտ վեց ամիս Գազայում իրականացրած ցեղասպանության, մանկասպանության և դաժանագույն հանցագործությունների համար։ Նաև` Դամասկոսում Իրանի հյուպատոսության վրա դավադիր հարձակման, իրանցի բարձրաստիճան զինվորականների սպանության և միջազգային օրենսդրության կոպտագույն խախտումների համար։
Իրանը հայտարարել է, որ եթե միջազգային համայնքը զսպեր ու կանգնեցներ Իսրայելին` Գազայում ցեղասպանություն իրականացնելու հարցում, և ՄԱԿ֊ի անվտանգության խորհուրդը` որպես աշխարհում անվտանգության և խաղաղության պահպանման մեխանիզմ և ուժ, դատապարտեր Իսրայելին` Իրանի դիվանագիտական կառույցի վրա հարձակման ու միջազգային օրենքների կոպտագույն խախտումների համար, պատասխանատվության ու համապատասխան պատժի ենթարկեին Իսրայելին, ապա կարիք չէր լինի, որ Իրանը անձամբ փորձի պատժել Իսրայելին` իր անմարդկային հանցագործությունների համար։
Իրանի հիմնական նպատակը սահմանափակ պատժիչ օպերացիայի իրագործումն էր, որպեսզի այն ռազմաբազաներն ու ավիաբազաները, որոնք մասնակից էին Սիրիայում Իրանի հյուպատոսության վրա հարձակման գործում` հարված կրեին։
Իրանական ստույգ աղբյուրներից և տարածված տեսանյութերից պարզ երևում է, որ Իրանին հաջողվել է խոցել իսրայելական ռազմական որոշված թիրախները։ Հատկապես պետք է ընդգծեմ հիմնական թկրախը` «Նովաթիմ» ավիաբազան, որտեղից F35 կործանիչներով հարվածել էին Իրանի հյուպատոսությանը։
Ամեն դեպքում, կարող ենք արձանագրել, որ միջազգային հարաբերությունների անպատժելի ներկա մթնոլորտում Իրանին հաջողվել է պատժել Իսրայելին այն առումով, որ թիրախները խոցելու քանակը և տոկոսը Իրանի համար երկրորդային են։
Այն վախն ու սարսափը, որն ապրում է Իսրայելը այս մի քանի օրը, և ահուսարսափով լեցուն այդ դժոխային գիշերը, որ Իրնը սարքեց սիոնիստական ռեժիմի գլխին` ցույց տալով, որ իրենց ոչ մի հանցագործ քայլ անպատիժ ու անպատասխան չի մնալու` Իրանի հիմնական նպատակն էր։
Իրանի պատժիչ օպերացիան, ինչպես Իրանի ռազմաքաղաքական ղեկավարությունն է նշում` սահմանափակ է եղել, և Իրանի հրթիռային ներուժի ընդամենը մի քանի տոկոսի չափով էր։
Եթե Իսրայելը շարունակի ագրեսիվ պահվածքով նոր սահմաններ խախտել, ապա Իրանը տաս անգամ ավելի հուժկու ներուժով պատասխան հարվածներ կտեղա սիոնիստական ռեժիմի գլխին»։
Կարծիքներ