Մարդիկ հասկանում են դառը իրականությունը

Երբևէ պատկերացրե՞լ եք, որ զոհված զինվորի հայրը չուզենա, որ իր տղային մեծարի երկրի վարչապետի տիկինը։ Նշենք, որ Աննա Հակոբյանը ֆեյսբուքյան իր էջում գրառում է կատարել, որին կից հրապարակել է 44-օրյա պատերազում զոհված հերոս Արման Ազատյանի, նրա մոր և այս տարվա հուլիսին ծնված Արման Ազատյան կրտսերի լուսանկարը։ Դա զայրացրել է զոհված զինվորի հորը և ինքը լրատվամիջոցներից մեկու արտահայտվել էր՝ ինքը պիտի ներողություն խնդրի իր ընտանիքից։

Այսօր լրագրողներին տրված հարցազրույցում զոհվածի հայրը ներկայացրել է Աննա Հակոբյանի ու իր համառոտ խոսակցությունը․ «Ես իր բառերն եմ ասում. «ես ոչ մի վատ բան չեմ գրել, ես մեծարում եմ քո որդուն», որին որդեկորույս հայրը հետևյալ պատասխանն է տվել․  «Դու իրավունք չունես ոչ մեծարելու, մանավանդ՝ ոչ էլ պախարակելու»։ 

Այսքանից հետո Աննա Հակոբյանը պետք է հանգիստ թողնի զոհվածների ընտանիքներին և նրանց հետ լուսանկարվելու փնտրտուքների մեջ չընկնի։ Մարդիկ հասկանում են դառը իրականությունը։