Google-ը սկսել է արգելափակել ծառայությունները ռուսական ընկերությունների համար
Hraparak
11 Օգոստոս 2023 | 16:00
0
Երեկվանից ամերիկյան Google կորպորացիան սկսել է զանգվածաբար արգելափակել Google Workspace կորպորատիվ ծառայությունները պատժամիջոցների տակ գտնվող ռուսական ընկերությունների համար։
Այդ մասին ռուսական լրատվամիջոցներին հայտնել են երկու խոշոր ՏՏ ընկերությունների աղբյուրները։
«Ծառայությունների արգելափակումից հետո ընկերության աշխատակիցները չեն կարողանում մուտք գործել կորպորատիվ փոստ, օգտվել էլեկտրոնային փաստաթղթերի կառավարումից Google Docs-ի միջոցով, գրեթե բոլոր կարևոր փաստաթղթերն ու նամակագրությունները մնացել են Google-ի կորպորատիվ պահեստում»,- դժգոհել է զրուցակիցներից մեկը։
Ամերիկյան կորպորացիայի փոստային ցուցակում արգելափակումը բացատրվում է «սպամ հաղորդագրություններով», ասել է աղբյուրը: Նրա խոսքով՝ Google-ը կշարունակի արգելափակել ռուսական բիզնեսները և կարող է դա անել առանց նախազգուշացման, «ինչը կխանգարի ընկերություններին այլընտրանքային կայքերի կրկնօրինակում ստեղծել»:
Ռուսաստանում Workspace ծառայությունների հասանելիության փոփոխությունները «դիտավորյալ չեն ներդրվել», պնդում է Google-ին մոտ կանգնած աղբյուրը: Softline-ը, որը հանդես է գալիս որպես ամերիկյան ընկերության լուծումների դիստրիբյուտոր ռուսական շուկայում, դեռևս չի արձանագրել վերոնշյալ ծառայությունների արգելափակման աճ:
Կարծիքներ