150 առաջարկ ունենք, ամեն մեկի վրա մի թեկնածուական կամ դոկտորական թեզ է գրվել․ Բագրատյան

«Ազատություն» կուսակցությունը արտահերթ խորհրդարանական ընտրություններին հանդես է գալիս առանձին։ Ինչո՞ւ որոշեցիք առանձին հանդես գալ և ոչ, ասենք, միանալ գաղափարակից ուժերին։ Մասնավորապես, Ռոբերտ Քոչարյանի դաշինքին կամ «Պատիվ ունեմ»-ին։ Կամ, միգուցե, այլ։ Առաջարկնե՞ր չեղան, թե Դուք նպատակահարմար չհամարեցիք նրանց միանալ։

-Նախ, ես գտնում եմ, որ մենք պետք է շատ ինտենսիվ «17-ի շրջանակներում պայքարեինք, որ ընտրությունները չլինեին, որովհետև իրենցում մեծ վտանգ են պարունակում։ Երկրորդ․ այն ժամանակ արդեն, երբ պարզ  էր, որ «17»-ի ներսում շատերը գնում են ընտրության, մենք առաջարկեցինք հանդես գալ լայն ճակատով։ Դա չեղավ։ Հիմա չասեմ առաջարկներ չեղան, իրավունք չունեմ ասելու՝ ընդհանրապես չեղան,որովհետև նույնիսկ շահավետ առաջարկներ եղան, բայց եթե չկա ընդհանուր ճակատ, ապա դա մեծացնում է իշխող քաղաքական խմբի վերարտադրվելու շանսերը։

-Այսինքն՝ կարծում եք, որ առանձին-առանձինի դեպքում փոշիացում է տեղի ունենում։

-Համաձայն եմ, որ որոշակի փոշիացում կա,բայց առանձին-առանձինի դեպքում էլ կա այսպես կոչված՝ սիներգիկ էֆեկտ։ Հուսով եմ, նաև՝ համոզված  եմ, որ հունիսի 20-ից հետո Նիկոլը չի վերարտադրվի։

-Չի անցնի խորհրդարա՞ն, թե մեծամասնություն չի ունենա։

-Խորհրդարան գուցեև անցնի, բայց իշխանությունը իրենց չմնա։

-Ընդդիմությունում բոլորը համոզված են, որ Նիկոլ Փաշինյանը կեղծելու է ընտրությունները։ Դո՞ւք։

-Կարծում եմ՝ նման փորձ հնարավոր է, այն չպետք է բացառել,բայց, գիտեք, դրանից հետո սկսվում են գործընթացներ, որոնք անկասելի ու կործանարար կլինեն իշխող վերնախավի համար։Ընտրությունների կեղծման դեպքում բոլորը դրա համար թանկ կվճարեն։

-Ձեր կուսակցությունում շատ հայտնի դեմքեր չկան: Դո՞ւք եք,այո, կուսակցության բրենդը։

-Ասում եք՝ շատ հայտնի․․․ հայտնի մտավորականներ կան, պրոֆեսորներ, կռված տղաներ։ Կան, որ պաշտոններ են ունեցել։ Ի՞նչ ասեմ։ Գուցե էդ առումով մեր ցուցակն ավելի համեստ է, քան մյուսներինը։ Ինչ-որ տեղ դա մեր առավելությունն է։ Չկա ոչ մի վարկաբեկված մարդ, որը որևէ կառուցում սկանդալի մեջ լինի։ Ի տարբերություն «Քաղաքացիական պայմանագիր» կուսակցության ցուցակի։
- Oլիգարխներ ունե՞ք։ ՔՊ-ում չկան։

-Երևի նկատի ունեք Սուքիասյանի ասածները։ Այո, նիկոլի  ժամանակ օլիգարխները ծաղկում են, ասում է՝ չկան։ Չեմ կարողանում հասկանալ, արդյո՞ք ընկալում են  թե ինչ է․ օլիգարխը։ Բիլ Գեյթսը օլիգարխ չէ։ Մարդը կարող է հարուստ լինել, բայց օլիգարխ չլինել։ Օլիգարխը այն մարդն է,ում բիզնեսի համար հատուկ օրենսդրություն  են ընդունում, արտոնություն տրամադրում։ Հատուկ օրենքը,օրինակ,կլինկերի արտադրության մասին,պաշտպանում է Ծառուկյան Գագիկին,հատուկ օրենք կա, որի արտոնություններից լրջագույն կերօով օգտվում է Սամվել Ալեքսանյանը (Ալեքս տեքստիլ)։ Սրանք նոր, նիկոլական արտոնություններ են։  
 
-Ի՞նչն եք այս պահին բացառում։

-Կոլաիցիան բացառում ենք Նիկոլ Փաշինյանի հետ, ցանկացած այլ ուժի հետ՝ոչ, որովհետև հիմա ամենակարևորը Փաշինյանի հեռացումն է իշխանությունից։

-«Հայաստան» դաշինքի ու բոլոր շրջանակների հետ կարծեմ թե հետընտրական դաշինքը չեք բացառում։Իսկ ՀԱԿ-ի՞։ Կամ եթե «կամ,կամ»-ի խնդիր լինի՞։

-Ինչպես ասացիք,այո, չեմ բացառում։ Նաև բոլոր նրանց,ովքեր դեմ են լինելու Նիկոլին հետընտրական գործըթնացներում նրանց կողքին կլինենք, թեպետ չեմ կարծում, որ բանը հասնի հետընտրական պրոցեսներին, որովհետև ընտրությունների  արդյունքում ընդդիմությունը իշխանության կգա։

-Բևեռների՞ընտրություն է,Ձեր կարծիքով, ու ովքեր են բևեռները։

-Բևեռներ չեն, պալիտրա է։ Մի քանի բևեռ երևում են։

-Ձեզ երրորդ բևեռ համարո՞ւմ եք։

-Անպայման։ Այնուամենայնիվ, իշխանությունը տիրապետում է վարչական լծակների, մյուս ուժերի որոշ մասը՝ փողի ռեսուրսների։

-«Ազատություն» կուսակցությունը, եթե չեմ սխալվում՝ երրորդ ամենահին ուժն է: Կուսակցությունն 97 թվից կա։

-Կասե՞ք Ձեր կարգախոսը։

- Որոշեցինք՝ «Չենք զիջելու»։

-Կբացե՞ք։

-Մենք ոչինչ թուրքին չենք զիջելու։ Այսօր ամենակարևորը՝ կայունացնել Հայաստանի սահմանները, նախ՝ կանգնեցնել էդ պրոցեսը․առջևում ՝ միջանցքն է, Գեղարքունիք,Սյունիքի տված հողերն են, ուր նրանք մտել են Նիկոլ Փաշինյանի հետ համաձայնեցված, ինքը ստից աղմուկ է անում։ Առջևում անկլավների պատմությունն է, ես վախենում եմ, որ էդ թուղթը ստորագրված է արդեն։ Բայց մենք այդ թուղթը չենք կատարի, եթե ստորագրված է։ Ի տարբերություն նոյեմբերի 9-ի փաստաղթին, ահավոր վատ թուղթ է, բայց այդտեղ զորքերի տեղաշարժեր կան, այն, դժբախտաբար, փաստացի իրականացված է։Ապա՝ վերականգնել Արցախի տարածքային ամբողջականությունը։

-Բայց, ամեն դեպքում,ՀՀ-ն ունի՞ այս պահին պատերազմելու հնարավորություն։
Ու այդ դեպքում, դուք պատերազմի՞ կուսակցություն եք։

-Ես պատերազմի կուսակցություն չեմ, բայց մի բան ասեմ․ մենք պաշտպանում ենք մեր հայրենիքը, մեր հայրենի հողը։ Երբ դու պաշտպանում ես հողդ, դու ակտիվ պատերազմ չես վարում։ Մի քանի բան ասեմ, որ երևի չգիտեք․մենք սպանել ենք 18000 ադրբեջանցի զինվոր։ Շատ թանկ է նստել հաղթանակը Ալիևի վրա։ Եթե Նիկոլ Փաշինյանն իր վախկոտ հրամանները չտար հետնահանջի,Արմեն Սարգսյանը բացահայտ դավաճանական քայլեր չաներ, մենք պատերազմը չէինք պարտվի։ Գուցե գրավեին լավագույն դեպքում՝ 20 տոկոսը նրա,ինչ ազատագրել էինք։ Ինչ վերաբերում է պատերազմին, թեկուզ ռազմական առավելություն, ԱԹՍ-ներ, դրանց առավելությունը նրանք ձեռք են բերել վերջին 3 տարում։Դրանք  սկսել են արտադրվել 18 թվից։ Եվ անգամ այդ պայմաններում քաջ հայ զինվորին չէին հաղթելու։ Էն վակխանալիան,որն ստեղծել են Նիկոլ Փաշինյանի նշանակած գեներալները, այդ նույն թվում՝ Արտակ Դավթյանը, Դավիթ Տոնոյանը, էն,ինչ արել են  Արշակ Կարապետյանը, Վաղարշակ Հարությունյանը, դա վախկոտ ու տմարդի մարդկանց գործելակերպ է։ Էն, ինչ գիտեմ պատերազմի հերոսությւոնների մասին, և նրա, որը կոչվել է «Հարավային գրոհ»և սկսվել է հոկտեմբերի 7-ից՝ Ջաբրայիլի հատվածի ուղղությամբ, որի հրամանը տվել է Նիկոլ Փաշինյանը․․

-Ասում էր՝ տղաս էլ էր այնտեղ։

-Իր տղային, այո։ Այնտեղ մի քանի հարյուր հոգի ապահովում էին իր տղայի անվտանգությունը։ Իր տղեն միշտ 20 կիլոմետր հեռու էր ռազմաճակատից։

-Նաև ինքներդ հայտարարել էիք, որ Օնիկ Գասպարյանը Նիկոլ Փաշինյանին չձերբակալեց, քանի որ թուրքերը սպառնացել էին այդ պարագայում մտնել Հայաստան։

-Հետո ինչ, 93-ին, երբ հաղթում էինք, Թուրքիան զորք էր կուտակել,ես ունեղա զրույց Մևսութ Յլմազի հետ և ասացի՝ մեր ատոմակայանում ինչքան թափոն կա, կուղարկենք Թուրքիա։ Էդպիսի բաներ լինում են։ Գաղտնի՞ք է, որ Ադրբեջանն ու Թուրքիան մեկ մարմին են։ Հետագայում, փոքրիկ ճակատամարտ կամ մարտ, Թուրքիան խառնվելու է իրար։ Հայատարարում են, որ մեկ ազգ են, երկու պետություն։ Հիմա․ եթե գիտենք, որ Թուրքիան ամեն անգամ խառնվելու է, մենք ամեն անգամ զիջելու՞ ենք Ադրբեջանին։

-Ձեր ծրագրի առանցքային մասը կազմելու է տնտեսական կողմը, ենթադրում եմ։

Կկարդաք, կտեսնեք։ Կլինի պրեզե-նտացիա, ես գիտեմ, որ հասարակությունը սպասում է, որ Բագրատյանը կներկայացնի տնտեսական ծրագիր։ Եթե կարճ՝ մենք ցույց ենք տալիս իշխո՚ղ քաղաքական խմբի  փտածություն։ Տվել ենք 150 առաջարկ, ամեն մի առաջարկի վրա, կարող եմ ասել, որ մի թեկնածուական կամ դոկտորական է գրվել և որանց կեսի ղեկավարը ես եմ եղել։ Հատկապես Ուկրաինայում։Մնացածը՝ պրեզենտացիայում, կկարդաք, գիտեմ, որ բոլորը իրենց գցելու են կարդալ էդ ծրագիրը։ Մենք լուրջ ծրագրով ենք հանդես գալիս, չնայած, ինձ ասում են, որ պետք է «լայվ» մտնել, քրֆել և էդ դեպքում 100 հազար մարդ քեզ նայում է։ Մենք դա չենք անելու․ լիդերը, քաղաքական գործիչը ժողովրդին պետք է իր հետևից տանի, ոչ թե իջնի ցածր մակարդակի և  բոլորին տանի անդունդ։