Կրեմլը մտադիր է ազգայնացնել Yandex-ը․ ISW-ի անդրադարձը

Ռուսաստանի իշխանությունները փորձում են ազգայնացնել Yandex-ը, հայտնում է Պատերազմի ուսումնասիրման ինստիտուտը (ISW):

Վերլուծաբանները, մասնավորապես, նշում են, որ Կրեմլը, ամենայն հավանականությամբ, փորձում է ազգայնացնել ռուսական ինտերնետային հսկա Yandex-ը, որպեսզի ուժեղացնի վերահսկողությունը ռուսական տեղեկատվական տարածության վրա՝ նախապատրաստվելով 2024 թվականի ՌԴ նախագահական ընտրություններին։

Նշվում է, որ Yandex-ը, հավանաբար, փորձել է հավասարակշռություն հաստատել Կրեմլի և նրա օտարերկրյա ղեկավար մարմինների միջև, սակայն այժմ կարծես թե տանուլ է տալիս Կրեմլի դեմ պայքարը։

Կրեմլը, ըստ երևույթին, ստիպում է Yandex-ին վաճառել կամ հեռանալ միջազգային դուստր ձեռնարկություններից, ներառյալ՝ Yango Israel տաքսի ծառայությունը, որպեսզի համապատասխանի Ռուսաստանի տվյալների բացահայտման մասին օրենքներին, համաձայն որի՝ ՌԴ ԱԴԾ-ն Yandex-ից պահանջում է տրամադրել օգտատերերի (ոչ միայն Ռուսաստանի) բոլոր տվյալները։
Ռուսաստանի կառավարությունը նախկինում տուգանել է Yandex-ին այս օրենքը չկատարելու համար՝ չնայած Yandex-ի պնդումներին, որ չի կարող տրամադրել պահանջվող տվյալները։ Ռուսաստանի կառավարությունը նաև նախկինում տուգանել է Yandex-ի գործադիր տնօրեն Արտյոմ Սավինովսկուն՝ ռուսական գրաքննության մասին օրենքները չկատարելու համար։

ՏՏ ընկերության պաշտոնյաները նախկինում ասել են, որ Yandex-ը ձգտում է պահպանել օրենքները յուրաքանչյուր երկրում, որտեղ գործում է, և դատապարտել են ռուսական տվյալների հավաքագրման ջանքերը՝ պնդելով, որ դրանք օգտատերերի տվյալներ են տրամադրում միայն տվյալ երկրի օգտատերերի կառավարություններին, նշում է ISW վերլուծաբանները։

Ռուսական որոշ ինսայդերական աղբյուրներ ենթադրում էին, որ Yandex կորպորատիվ զարգացման խորհրդական Ալեքսեյ Կուդրինը փորձում է Yandex-ը վերածել ազգային մասնավոր ընկերության, որը վերահսկվում է Պուտինի անձնական բանկիր Յուրի Կովալչուկի կողմից:

Yandex-ի հիմնադիր և նախկին գործադիր տնօրեն Արկադի Վոլոժը երեկ առաջին անգամ հրապարակայնորեն դատապարտել է ՌԴ-ի ներխուժումն Ուկրաինա։ Որոշ ռուսական ինսայդերական աղբյուրներ ենթադրել են, որ Վոլոժի հայտարարությունը «սպիտակ դրոշ» է, ինչը ցույց է տալիս, որ նա համաձայն է, որ Կրեմլը, ամենայն հավանականությամբ, կշարունակի ընկերության ազգայնացման ուղղությամբ գործողությունները։

Reuters-ը հայտնում է, որ Yandex-ի իր աղբյուրները վախենում են «ուղեղների արտահոսքից», եթե Կրեմլը ազգայնացնի Yandex-ը, քանի որ Yandex-ի շատ աշխատակիցներ լքել են Ռուսաստանը 2022 թվականի փետրվարին Ուկրաինա լայնամասշտաբ ներխուժումից հետո:
Կրեմլը, հավանաբար, տեղյակ է այս անհանգստության մասին, քանի որ վերջերս Yandex-ը գնելու հայտ են ներկայացրել Կրեմլի պաշտոնյաների, այլ ոչ թե ռուսական պետական ​​կառույցների հետ կապեր ունեցող ներդրողները:

Yandex-ի հնարավոր փոխանցումը Ռուսաստանի աշխատակազմի ղեկավարի առաջին տեղակալ Սերգեյ Կիրիենկոյի մասնաճյուղերին հուշում է, որ Պուտինը ձգտում է վարձատրել Կիրիենկոյին իր անձնական հավատարմության համար, հատկապես հունիսի 24-ի «Վագներ»-ի ապստամբությունից հետո: Փորձագետները ենթադրում են, որ Պուտինը, ամենայն հավանականությամբ, պարգևատրում է Կիրիենկոյին՝ 2024 թվականի նախագահական ընտրությունների նախաշեմին նրա հավատարմությունն ապահովելու համար, հատկապես հաշվի առնելով, որ նա եղել է Կրեմլի ներկայացուցիչը օկուպացված Ուկրաինայում։