Վրացիները կկարողանան օրինական աշխատանք ունենալ Գերմանիայում

Վրաստանում երկուշաբթի օրվանից  կսկսվի Գերմանիայում օրինական սեզոնային աշխատանքի մեկնելու ցանկություն ունեցող Վրաստանի քաղաքացիների գրանցումը։ Դիմողները կարող են լինել 18-60 տարեկան Վրաստանի այն քաղաքացիները, որոնք մեկնումից առաջ երեք ամիս չեն եղել Շենգենյան գոտում:

«Գերմանիայի Դաշնային Հանրապետությունում սեզոնային աշխատանքներում վրացի աշխատուժի ներգրավման մասին» համաձայնագիրը ստորագրվել է 2020 թվականի հունվարի 17-ին: Խոսքը միայն գյուղատնտեսական սեզոնային աշխատանքների մասին է, որոնք սկսվում են ապրիլի 1-ից, և ցանկացողները պետք է բավարարեն որոշակի պահանջներ:

Ի թիվս այլ պահանջների, դիմորդները պետք է տարրական հաղորդակցության մակարդակում տիրապետեն գերմաներեն կամ անգլերեն լեզուներին: Լեզվի իմացության պահանջը որոշելու է գործատուն:

Հիշեցնենք, որ Վրաստանը ի տարբերություն Հայաստանի, ԵՄ անդամ է։

Վրացի աշխատողների նվազագույն աշխատավարձը մեկ ժամի համար կկազմի 9 ու կես եվրո, որից կհանվեն սննդի ու կացարանի հարկերն ու ծախսերը:

Հաստատման դեպքում գործատուն աշխատողին կուղարկի աշխատանքային պայմանագիր, որը կազմվելու է նախքան Գերմանիա մեկնելը: