Ավելի քան համոզված եմ, որ այդ անձինք արցախցիներ չեն
![Ավելի քան համոզված եմ, որ այդ անձինք արցախցիներ չեն](https://hraparak.am/uploads/images/2022/05/image_750x_626e75647b9c2.jpg)
«Ցավալի է և դատապարտելի, երբ որ ապօրինի զենքեր կան մարդկանց ձեռքը՝ անկախ նրանից՝ Հայաստանից է, Արցախից, թե որտեղից։ Բայց ավելի ցավալի ու դատապարտելի է, երբ որ այսօրվա իշխանությունները փորձում են ոստիկաններին ներքաշել քաղաքականության մեջ և այն լուրը, որ հաղորդում են, թե Արցախ-Երևան ճանապարհին, նախ ասեմ, որ այդպիսի մայրուղի գոյություն չունի, կա Երևան-Մեղրի, Ստեփանակերտ-Գորիս ավտոճանապարհ։ Եվ ես ավելի քան համոզված եմ, որ այդ անձինք արցախցիներ չեն, քանի որ Արցախից մինչև Գորիս հատվածը 7 հատ հենակետ կա խաղաղապահների դրած, որոնք ստուգում են բեռնախցիկները։Դա ատրճանակ չէր, որ կարողանային թաքուն բերեին։Ինձ թվում է, որ սա մանիպուլյատիվ հերթական քայլն է իշխանությունների կողմից կազմակերպած»,- մեզ հետ զրույցում ասաց պատգամավոր Դավիթ Գալստյանը, որն այս պահին մասնակցում է ընդդիմադիրների կազմակերպած հանրահավաքին։
Գալստյանը գտնում է, որ նրանց նպատակն էր ժողովրդին ասել, ցույց տալ, որ Արցախից զինված մարդիկ կապ ունեն այսօրվա միտինգների հետ և պետք է սադրիչ գործողությունների մեջ լինեն։
«Օգտագործելով Արցախ բառը, ևս մեկ անգամ փորձում են ժողովրդին մոլորեցնել, սրել իրավիճակը՝ օգտագործելով նորից Նիկոլ Փաշինյանի թեզը՝ ղարաբաղցի-հայաստանցի պառակտում անելով»-ասաց Դավիթ Գալստյանը։
Կարծիքներ