Իշխանություններն ամենաշատը վախենում են նրանցից
«Մենք մի հստակ պատկեր ունենք, որ բոլոր այն զոհված զինծառայողների ծնողները, որոնք արյունավաճառությամբ չեն զբաղվում, այս իշխանություններին չեն քծնում, հայտնվում են թիրախում»: Այս մասին «Հրապարակի» հետ զրույցում ասում է արցախցի ակտիվիստ Տաթևիկ Վիրաբյանը: Գարիկ Գալեյանը դրա վառ ապացույցն է:
«Նա Աննային չի հաճոյացել՝ ոմանց նման, ու նրա խնջույքներին չի մասնակցել, այդ պատճառով էլ այսօր արգելում են վերջինիս այցելել իր որդու շիրիմին: Արցախցիներին հավասար այս իշխանություններին հարցեր ունեն զոհվածների ծնողները: Նրանք անդառնալի կորուստներ ունեն: Այս իշխանություններից ամենամեծ վրեժը նրանք ունեն, հենց այդ պատճառով էլ թիրախավորվում են հենց նրանք: Օրվա իշխանություններն ամենաշատը վախենում են զոհվածների հարազատներից, որ նրանք հանկարծ չհամախմբվեն ու հաշվեհարդար չտեսնեն իրենցից: Գարիկ Գալեյանը իր արժեքների հետևից գնացող տեսակ է, ունի ծանրակշիռ խոսք: Նա առաջին անգամ չէ, որ այս իշխանությունների կողմից թիրախավորվում է: Իշխանությունները վրեժխնդիր են լինում զոհվածների ծնողներից: Այս իշխանությունը լկտիաբար ռեխը բաց հայտարարեց, որ, այո, կարող էր զոհեր չտար, բայց տվել է և ուզում են, որ զոհվածների ծնողները լռեն, չպայքարեն այդ լկտիության դեմ: Անկարելի է արդեն այս խայտառակ իրականության մեջ ապրելը». – նշում է Տաթևիկ Վիրաբյանը:
Կարծիքներ