Պատրաստ են շարունակել բանակցությունները
![Մահմուդ Ահմադինեջադ](/images/2010/10/alg_ahmadinejad-e1287133904837-400x249.jpg)
Իրանի Ազգային անվտանգության բարձրագույն խորհրդի քարտուղար Սաիդ Ջալիլին հայտարարել է, որ Իրանը պատրաստ է շարունակել բանակցությունները ՄԱԿ-ի Անվտանգության խորհրդի մշտական անդամ հինգ երկրների (ԱՄՆ, Ֆրանիսա, Մեծ Բրիտանիա, Ռուսաստան, Չինաստան) եւ Գերմանիայի հետ` հենվելով իր սկզբունքների վրա: Ջալիլին նշել է, որ Իրանը նաեւ կառաջնորդվի ընդհանուր տրամաբանությամբ եւ այլ պետությունների օրինական իրավունքների հարգման սկզբունքով:
Բանակցությունների ավարտից հետո Գերմանիայի արտաքին գործերի նախարար Գիդո Վեստեռվելլեն եւս հայտարարել է, որ իր երկիրը պատրաստ է Իրանի հետ միջուկային խնդրի կարգավորման շուրջ բանակցությունների նոր շրջանին մասնակցել: Նա նշել է, որ վեցնյակը դեռեւս խնդրի դիվանագիտական լուծումներն է փնտրում եւ պատրաստակամ է շարունակել բանակցություններն այդ ուղղությամբ:
Հիշեցնենք, որ գերտերությունները 2003 թվականից փորձում են Իրանին հետ պահել ուրանի հարստացման աշխատանքներից, ինչը կարող է սպառնալ միջուկային զենքի չտարածման ռեժիմին: Դժվար ընթացող բանակցություններն ընդհատվել էին 2009 թվականից, եւ Իրանի հետ միեւնույն սեղանի շուրջ վեցնյակի երկրները նստեցին միայն այս տարի: ԱՄՆ եւ արեւմտյան պետությունները Իրանին մեղադրում են խաղաղ միջուկային ծրագրի իրականացման անվան տակ միջուկային զենքի պատրաստման մեջ: Պաշտոնական Թեհրանը մշտապես հերքել է այս մեղադրանքները` հայտարարելով, որ իր միջուկային ծրագիրն ուղղված է երկրի բնակչության էներգետիկ պահանջարկը բավարարելուն:
Կարծիքներ